Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రెమ్మ్యూనరేషన్ అమాంతం పెంచేసిన షాహిద్ కపూర్.. మీ కారణంగానే ఇదంతా అంటూ
సినీ ఇండస్ట్రీలో దశ తిరగాలంటే ఓకే ఒక్క సినిమా చాలు అని ఇప్పటికే పలు చిత్రాల ద్వారా రుజువైంది. కొందరు హీరోలకు ఎన్ని సినిమాలు చేసినా దక్కని విజయం ఊహించని రీతిలో ఒకే ఒక్క సినిమాతో దక్కుతుంది. తాజాగా బాలీవుడ్లో విడుదలై భారీ సక్సెస్ సాధించిన కబీర్ సింగ్ సినిమా విషయంలోనూ అదే జరిగింది. దీంతో ఈ సినిమాలో నటించిన హీరోయిన్లకు అమాంతం క్రేజ్ పెరిగిపోయింది.
షాహిద్ కపూర్ హీరోగా కబీర్ సింగ్ సినిమా తెరకెక్కింది. తెలుగులో విడుదలై సెన్సేషన్ క్రియేట్ చేసిన అర్జున్ రెడ్డి సినిమాకు రీమేక్ సినిమాగా ఈ చిత్రాన్ని రూపొందించాడు డైరెక్టర్ సందీప్ రెడ్డి వంగా. చిత్రంలో షాహిద్ కపూర్ సరసన కియారా అద్వానీ హీరోయిన్గా నటించింది. ఇటీవలే విడుదలైన ఈ సినిమా ఊహించిన దాన్ని మించిన రెస్పాన్స్ తెచ్చుకుంది. భారీ కలెక్షన్స్ రాబడుతూ ఇప్పటికే 200 కోట్ల క్లబ్లో చేరిపోయి 300 కోట్ల దిశగా పరుగులు పెడుతోంది. అయితే ఈ సినిమా అందించిన విజయంతో హీరో షాహిద్ కపూర్ తన రెమ్మ్యూనరేషన్ అమాంతం పెంచేశాడనే టాక్ వినిపిస్తోంది బీ టౌన్ ప్రేక్షకుల్లో.
కబీర్ సింగ్ విజయంతో ఖుషీ ఖుషీగా ఉన్న షాహిద్.. తన తదుపరి సినిమాల కోసం ఏకంగా 35 కోట్ల రెమ్మ్యూనరేషన్ డిమాండ్ చేస్తున్నాడట. బాలీవుడ్ సర్కిల్స్లో గుప్పుమంటున్న ఈ వార్త గనక నిజమైతే బాలీవుడ్ చిత్రసీమలో అత్యధిక రెమ్మ్యూనరేషన్ తీసుకుంటున్న హీరోల్లో ఒకరిగా నిలుస్తాడు షాహిద్ కపూర్. ఇక కబీర్ సింగ్ సక్సెస్ అయి 200 కోట్ల క్లబ్లో చేరిన సందర్బంగా సోషల్ మీడియాలో ఎమోషనల్ పోస్ట్ పెట్టాడు షాహిద్ కపూర్. ''ప్రేక్షకులు అందించిన ఈ విజయం చూస్తుంటే ఆనందంగా ఉంది. మీ పై నా ప్రేమను చూపించడానికి మాటలు చాలవు.
ఈ విజయంలో మీరంతా భాగస్వాములే. మీరు చూపుతున్న ఈ ఆదరణకు కృతజ్ఞుడనై ఉంటాను. సినిమా అనేది జీవితాన్ని ప్రతిబింబించేదిగా ఉండాలని నేను కోరుకుంటాను. కబీర్ సింగ్ కథలో మీరంతా హీరోలే'' అని పేర్కొన్నాడు షాహిద్ కపూర్. మరోవైపు ప్రేమికులను ఉద్దేశిస్తూ కబీర్ సింగ్ డైరెక్టర్ సందీప్ రెడ్డి వంగా చేసిన వ్యాఖ్యలు దుమారం రేపుతున్నాయి.