తెలుగు సినిమాలు చూడను.. అర్జున్ రెడ్డి చూసి మతిపోయింది!

ఉత్కంఠగా ఎదురుచూస్తున్నా

అర్జున్ రెడ్డి రీమేక్ లో నటించేందుకు తాను అందరిలాగే ఉత్కంఠగా ఎదురుచూస్తున్నానని షాహిద్ కపూర్ తెలిపాడు. ఈ కొత్త యాంగిల్ లో నటించడానికి చాలా ఆసక్తిగా ఉన్నా. అర్జున్ రెడ్డి చిత్రాన్ని చూసి చాలా బాగా ఎంజాయ్ చేశా అని షాహిద్ కపూర్ తెలిపాడు.

ఆశ్చర్యపరిచింది

నేను సాధారణంగానే ఎక్కువగా తెలుగు చిత్రాలు పెద్దగా చూడను. కానీ అర్జున్ రెడ్డి చిత్రం తనని ఆకర్షించిందని షాహిద్ కపూర్ తెలిపాడు. అర్జున్ రెడ్డి కథ చాలా సింపుల్ గా ఉంటుంది. కానీ కథలోని సహజత్వం, రానెస్ తనని ఆశ్చర్యపరిచాయని షాహిద్ కపూర్ తెలిపాడు.

విజయ్ దేవరకొండ అద్భుతంగా

ఈ చిత్రంలో హీరో పాత్ర ఎమోషన్స్ తో కూడుకుని ఉంటుంది. విజయ్ దేవరకొండ అద్భుతంగా నటించాడు. ఒకే అంశం చుట్టూ చక్కగా ఈ చిత్రాన్ని నడిపించారు. హిందీలో కూడా ఈ చిత్రానికి సందీప్ వంగానే దర్శకుడు కావడం విశేషం.

అక్టోబర్ నుంచే

అర్జున్ రెడ్డి హిందీ రీమేక్ చిత్రం అక్టోబర్ నుంచే సెట్స్ పైకి వెళ్లనుంది. హాట్ బ్యూటీ కైరా అద్వానీ ఈ చిత్రంలో హీరోయిన్. తెలుగులో షాలిని పాండే నటించిన సంగతి తెలిసిందే. ఇద్దరు మెడికల్ స్టూడెంట్స్ మధ్య మొదలయ్యే ప్రేమని ఎమోషనల్ గా నడిపించారు.

సంతోషంలో షాహిద్ ఫ్యామిలీ

ఇటీవలే షాహిద్ కపూర్ సతీమణి మీరా రాజ్ ఫుట్ మగబిడ్డకు జన్మనిచ్చిన సంగతి తెలిసిందే. షాహిద్, మీరా దంపతులకు ఇది రెండవ సంతానం. ఇప్పటికే వీరికి ఓ పాప ఉంది. ఈ సంతోష సమయంలో షాహిద్ కపూర్ అర్జున్ రెడ్డి రీమేక్ చిత్రాన్ని ప్రారంభించబోతున్నాడు.