లక్ష ఇవ్వడమే ఎక్కువన్నారు.. కానీ తెలుగు కథతో అతని జీవితమే మారిపోయింది.. 45కోట్లా?

అర్జున్ రెడ్డి కథతో 300కోట్లకు పైగా కలెక్షన్స్..

ఆ హీరో మరెవరో కాదు. షాహిద్ కపూర్. తెలుగులో బాక్సాఫీస్ హిట్ గా నిలిచి 30కోట్లకు పైగా లాభాలను అందించిన అర్జున్ రెడ్డి కథను బాలీవుడ్ లో కబీర్ సింగ్ గా రీమేక్ చేసిన విషయం తెలిసిందే. ఈ తెలుగు కథతో షాహిద్ ఏకంగా 300కోట్లకు పైగా కలెక్షన్స్ అందుకొని సరికొత్త రికార్డ్ క్రియేట్ చేశాడు. ఇక మార్కెట్ పెరగడంతో ఈ టాలెంటేడ్ హీరో కెరీర్ లో మొదటిసారి అత్యదిక స్థాయిలో రెమ్యునరేషన్ డోస్ కూడా పెంచాడు.

లక్ష రూపాయలు ఇవ్వడమే ఎక్కువన్నారు..

ఈ హీరోకు లక్ష రూపాయల రెమ్యునరేషన్ ఇవ్వడమే ఎక్కువ అన్న వాళ్ళు చాలా మంది ఉన్నారు. ఒక ఇంటర్వ్యూలో కూడా షాహిద్ కెరీర్ మొదట్లో పడిన ఇబ్బందులను గురించి చాలానే చెప్పాడు. కొన్నిసార్లు రెమ్యునరేషన్ ఇవ్వకుండానే చీట్ చేశారని కూడా చెప్పాడు. ఇక ఇప్పుడు చులకనగా చూసిన వారికి దిమ్మతిరిగేలా తన మార్కెట్ తో సవాల్ విసురుతున్నాడు.

జెర్సీ రీమేక్.. రెమ్యునరేషన్ ఎంతంటే..

అసలు మ్యాటర్ లోకి వస్తే కబీర్ సింగ్ హిట్టవ్వడంతో మరో తెలుగు కథతోనే తన మార్కెట్ ని మరింత పెంచుకోవాలని ఈ యంగ్ హీరో ప్లాన్ చేసుకుంటున్నాడు. నాని హిట్ మూవీ జెర్సీని హిందీలో రీమేక్ చేస్తున్న విషయం తెలిసిందే. అయితే ఆ సినిమాకు షాహిద్ 35కోట్ల రెమ్యునరేషన్ ని డిమాండ్ చేశాడట. అలాగే సినిమా రిలీజ్ అనంతరం ప్రాఫిట్స్ లో కూడా 20శాతం షేర్స్ వచ్చేలా డీల్ సెట్ చేసుకున్నట్లు తెలుస్తోంది. అంటే మొత్తంగా ఒక సినిమాకు 45కోట్ల వరకు ఆదాయాన్ని అందుకొనున్నట్లు టాక్.

Recommended Video

Nepotism పై Renu Desai హాట్ కామెంట్స్‌!

బడ్జెట్ రేంజ్ కూడా పెరిగింది

షాహిద్ కపూర్ అంటే మొన్నటివరకు అతని సినిమాకు 50కోట్ల బడ్జెట్ చాలా ఎక్కువ అనుకునే వారు. కానీ ఇప్పుడు ఏకంగా 150కోట్లకు పైగా బడ్జెట్ పెట్టడానికి సిద్ధమవుతున్నట్లు తెలుస్తోంది. జెర్సీ రీమేక్ కు కథ ఒరిజినల్ డైరెక్టర్ గౌతమ్ తిన్ననూరి దర్శకత్వం వహిస్తున్నారు. ఇక ఈ సినిమాతో పాటు షాహిద్ మరో రెండు బిగ్ బడ్జెట్ సినిమాల కోసం చర్చలు జరుపుతున్నట్లు సమాచారం.