క్యాన్సర్ చికిత్స: సోనాలి బింద్రే పరిస్థితి ఎలా ఉందంటే...

సోనాలి బింద్రే

కొన్ని రోజుల క్రితం తన జుట్టు కత్తిరించుకున్న సోనాలి బింద్రే తన 12 ఏళ్ల కుమారుడు రణవీర్‌తో కలిసి దిగిన ఫోటోను సోషల్ మీడియాలో పోస్టు చేసిన సంగతి తెలిసిందే. ఈ పోస్టు ద్వారా తనకు సోకిన వ్యాధి గురించి తన కుమారుడికి చెప్పే ప్రయత్నం చేయడంతో పాటు అతడి రియాక్షన్‌ను అభిమానులతో పంచుకుంది.

మనో ధైర్యంతో...

తాను చెప్పిన విషయాన్ని తన కుమారుడు అర్థం చేసుకున్నాడని, వాడిలో అంత మెచ్యూరిటీ వచ్చినందుకు ఆనందంగా ఉందని, అది తనలో మరింత దైర్యాన్ని నింపిందని సోనాలి బింద్రే చెప్పే ప్రయత్నం చేశారు.

అభిమానులకు ధైర్యం...

సోనాలి కుమారుడు రణవీర్ ప్రస్తుతం తల్లితో పాటు న్యూయార్క్‌లోనే ఉన్నాడు. అక్కడి సెంట్రల్ పార్కులో ఆడుకుంటున్న ఫోటోలను సోనాలి తన అభిమానులతో పంచుకున్నారు. తాను చికిత్స తీసుకుంటూ దైర్యంగా ఉన్నానని, అభిమానులూ తనలాగే ధైర్యంగా ఉండాలని సోనాలి తెలిపారు.

అంతా షాక్

కొన్ని రోజుల క్రితం సోనాలి తనకు క్యాన్సర్ సోకిన విషయం బయటకు చెప్పగానే ఆమె అభిమానులతో పాటు బాలీవుడ్ సెలబ్రిటీలు షాకయ్యారు. హిందీతో పాటు పలు దక్షిణాది భాషల్లో నటించిన సోనాలి కోట్లాది మంది అభిమానులను సొంతం చేసుకున్నారు. తమ అభిమాన నటికి క్యాన్సర్ సోకిందనే వార్త చాలా మందికి మింగుడు పడలేదు.