Don't Miss!
- News కేసీఆర్కు మరో షాక్: బీఆర్ఎస్కు కడియం శ్రీహరి, కావ్య గుడ్బై, వరంగల్ కాంగ్రెస్ ఎంపీగా బరిలో
- Sports RR vs DC: రఫ్ఫాడించిన ఆవేశ్ ఖాన్.. ఓడిపోయే మ్యాచ్లో గెలిచిన రాజస్థాన్ రాయల్స్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
‘సుశాంత్ చనిపోతాడని ఆ నిర్మాతకు ముందే తెలిస్తే.. ఎందుకు రక్షించలేదు’
సుశాంత్ సింగ్ రాజ్పుత్ మరణంపై శివసేన అధికార పత్రిక సామ్నాలో ఆ పార్టీ నేత, మాజీ కేంద్ర మంత్రి సంజయ్ రౌత్ ప్రశ్నల వర్షం కురిపించారు. సువాంశ్ మరణానికి కారణం నిరాశా, నిసృృహలేనా?. ఆర్థిక సంబంధమైన డిప్రెషన్ కారణమా? అదే జరిగితే నూటికి నూరుశాతం కరెక్ట్ కాదు అంటూ ఆయన ప్రశ్నించారు. అయితే ఆయన లేవనెత్తిన ప్రశ్నలు వివాదాస్పదమయ్యేలా కనిపిస్తున్నాయి. అంతేకాకుండా కొందరు ఆయన వ్యాఖ్యలను కూడా తప్పుపడుతున్నారు. ఇక వివారాల్లోకి వెళితే..
Recommended Video
మీడియాను తప్పుపట్టిన సంజయ్ రౌత్
సుశాంత్ సూసైడ్ విషయంలో మీడియా అత్యుత్సాహాన్ని శివసేన నేత సంజయ్ రౌత్ తప్పుపట్టారు. ఆయన మరణాన్ని ఓ పండుగలా చేసుకొన్నాయని విరుచుకుపడ్డారు. విషాదాన్ని పక్కన పెట్టి మీడియా తమ స్వప్రయోజనాల కోసం పాకులాడిందని ఆయన అన్నారు. అయితే సుశాంత్ మరణం తర్వాత కొందరు తమకు జరిగిన అన్యాయాలపై మౌనం వీడటం సరికాదు అని ఆయన పేర్కొన్నారు.
ఆత్మహత్య చేసుకొంటారని నిర్మాత అనడంపై
సుశాంత్ సూసైడ్ గురించి ముందే ఊహించిన నిర్మాతపై కూడా సంజయ్ రౌత్ మండిపడ్డారు. ఒక ఇంటర్వ్యూలో ఓ నిర్మాత మాట్లాడుతూ.. సుశాంత్ ఆత్మహత్య చేసుకొంటారని నాకు ముందే తెలుసు? అని అన్నాడు. అయితే ఓ నటుడు సూసైడ్ చేసుకొంటారని తెలిసినా.. రక్షించడానికి ఎందుకు ముందుకు రాలేదు అని సంజయ్ రౌత్ ప్రశ్నించారు. అలాగే సుశాంత్ కేసు విచారణ ఎప్పటికి తేలుతుందో ఎవరికి తెలియదు అంటూ సంజయ్ రౌత్ అభిప్రాయపడ్డారు.
పోలీసుల విచారణపై అనుమానాలు
సుశాంత్ సూసైడ్ తర్వాత చాలా మంది మీడియా ముందుకు వచ్చి రకరకాలుగా మాట్లాడుతున్నారు. అలా మాట్లాడటం వల్ల నిజాలు బయటకు వస్తాయా? ఈ వ్యవహారంలో పోలీసులు ఎలాంటి విచారణ చేపడుతున్నారు? ఏ కోణంలో దర్యాప్తు చేస్తున్నారనే విషయాలు ఎవరికి అర్ధం కావడం లేదు అని సంజయ్ రౌత్ పేర్కొన్నారు.
డిప్రెషన్ కారణంగానే..
గత కొద్దికాలంగా సుశాంత్ డిప్రెషన్లో ఉన్నారు. ఆయన మానసిక స్థితి సరిగా లేదు. ఆ కారణంగానే బాంద్రాలోని తన ఇంటిలో తనకు తాను ఉరి వేసుకొని మరణించాడు. ఈ క్రమంలోనే మాఫియా, బంధుప్రీతి ఆరోపణలు బాలీవుడ్లో ఊపందుకొన్నాయి. బాలీవుడ్లో ఇలాంటి మానసిక పోరాటాలు ప్రతీ రోజు ఉంటాయి. కొందరు కెరీర్ నాశనం చేశారనే కారణంతో ఆత్మహత్య చేసుకొన్నారనే ఆరోపణలు సరికాదు. అలా అంటే ప్రతీ రోజు కనీసం ఇద్దరు ఆత్మహత్యలు జరగడానికి అవకాశం ఉంటుంది అని సంజయ్ రౌత్ తన వ్యాసంలో పేర్కొన్నారు.
సంజయ్ రౌత్ కథనంపై అభ్యంతరాలు
అయితే సంజయ్ రౌత్ వేసిన ప్రశ్నలు, వ్యక్తం చేసిన ఆరోపణలపై కొందరు ఘాటుగా స్పందిస్తున్నారు. సుశాంత్ సింగ్ రాజ్పుత్ ఆత్మహత్యను, పోలీసుల విచారణను కించపరిచే విధంగా ఆయన మాట్లాడారని పలువురు విమర్శిస్తున్నారు. జూన్ 14వ తేదీన ముంబైలోని బాంద్రాలో సుశాంత్ ఆత్మహత్య చేసుకొన్న తర్వాత ఆయన మృతిపై అనేక రకాలు కథనాలు, ఆరోపణలు ఊపందుకొన్నాయి. ఈ క్రమంలో సంజయ్ రౌత్ సామ్నాలో రాసిన వ్యాసం ఇప్పుడు మీడియాలోను, సినీ వర్గాల్లోనూ చర్చనీయాంశమైంది.