ప్రముఖ ఫోటోగ్రాఫర్‌తో సాహో బ్యూటీ పెళ్లి.. స్పందించిన హీరోయిన్

ప్రముఖ ఫోటోగ్రాఫర్‌తో..

శ్రద్ధా కపూర్, ప్రముఖ ఫొటోగ్రాఫర్ రోహన్ శ్రేష్టాను రోహన్ శ్రేష్టాలు చెట్టాపట్టాలేసుకుని తిరుగుతున్నారని, వీరిద్దరూ కలిసి పార్టీలకు, డిన్నర్లకు వెళుతున్నారని బాలీవుడ్ లో చెప్పుకుంటున్నారు. ఈ నేపథ్యంలో వీరిద్దరూ ప్రేమలో పడ్డారని కూడా ప్రచారం ప్రారంభమైంది.

ఖండించిన తండ్రి..

ప్రముఖ ఫోటో గ్రాఫర్ రోహన్ శ్రేష్టాతో శ్రద్దా కపూర్ ప్రేమ వ్యవహారం నడుపుతుందన్న వార్తలపై ఆమె తండ్రి శక్తి కపూర్ స్పందించాడు. ఆ వార్తల్లో ఎలాంటి నిజం లేదంటూ ఆమె తండ్రి క్లారిటీగా చెప్పినా రూమర్లు మాత్రం ఆగడం లేదు.

పెళ్లి అంటూ వార్తలు..

ప్రముఖ ఫొటోగ్రాఫర్ రోహన్ శ్రేష్టాను శ్రద్దా కపూర్ త్వరలో వివాహం చేసుకోబోతోందంటూ వార్తలు హల్ చల్ చేస్తున్నాయి. అయితే వీటిపై ఇంతకు ముందే స్పందించినా.. ఖండించినా రూమర్లు మాత్రం ఆగకపోవడంతో మరోసారి శ్రద్దా నోరు విప్పింది.

Saaho Hindi Version Collections || 3వ వీకెండ్ కలెక్షన్ రిపోర్ట్

అలాంటిదేమీ లేదు..

పదే పదే తన పెళ్లి వార్తలపై రూమర్లు వస్తుండటంతో ఫైర్ అయిన శ్రద్దా.. ప్రస్తుతానికి తాను నటిగా కెరీర్ పైనే దృష్టి పెట్టానని తెలిపింది. ‘నా పెళ్లిపై వస్తోన్న వార్తల్లో నిజం లేదు. అవి పుకార్లు మాత్రమే. ప్రస్తుతం నేను నటిస్తున్న సినిమాల గురించే ఆలోచిస్తున్నాను. అంతకుమించి దేనీ గురించి ఆలోచించడం లేద'ని కాస్త గట్టిగానే చెప్పినట్టు తెలుస్తోంది. ప్రస్తుతం శ్రద్ధా.. ‘స్ట్రీట్ డ్యాన్సర్ 3డీ' చిత్రంతో ఈ నెల 24న ప్రేక్షకుల ముందుకు వస్తోంది.