Don't Miss!
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
నీవు స్టార్ కాదు.. పేషంట్వి.. వేషాలు వెయ్యొద్దు..హాస్పిటల్లో రచ్చపై కనికాకు వార్నింగ్
కరోనా వైరస్ పాజిటివ్ కారణంగా సింగర్ కనికాకపూర్ ప్రస్తుతం లక్నోలోని ఓ హాస్పిటల్లో చికిత్స పొందుతున్నది. అయితే చికిత్సకు నిరాకరిస్తూ తనకు విలాసవంతమైన సౌకర్యాలు కావాలంటూ వైద్యులను, వైద్య సిబ్బందిపై రుసరుసలాడటం మీడియాలో చర్చనీయాంశమైంది. దాంతో ఈ వ్యవహార శైలి మరోసారి వివాదాస్పదంగా మారింది. సింగర్ తీరుపై వైద్యులు స్పందిస్తూ...
పేషెంట్లా వ్యవహరించు
ప్రాణాంతక వ్యాధి కరోనా బారిన పడిన కనికా కపూర్ ఓ స్టార్ మాదిరిగా కాకుండా.. ఓ పేషెంట్లా వ్యవహరించాలి. వైద్య సిబ్బందికి అన్ని రకాలుగా సహకరించాల్సిన అవసరం ఉంది. ప్రజ ప్రయోజనాలు దృష్టిలో పెట్టుకొని జాగ్రత్తగా, బాధ్యతాయుతంగా వ్యవహరించాలి అని సంజయ్ గాంధీ పోస్టు గ్రాడ్యుయేట్ ఇనిస్టిట్యూట్ ఆఫ్ మెడికల్ సైన్సెస్ డైరెక్టర్ ఓ ప్రకటనలో తెలిపారు.
కనికాకు ఉత్తమ సౌకర్యాలు
కనికా కపూర్కు ఉత్తమ సౌకర్యాలను సమకూర్చాం. ఓ రోగిగా వైద్యులకు ఆమె సహకరించాలి. ఓ స్టార్ అనే ఫీలింగ్తో వైద్యులతో అభ్యంతరకరంగా బిహేవ్ చేయవద్దు. సిబ్బందికి పూర్తిగా సహకారం అందిస్తేనే ఆమె త్వరగా కోలుకొంటుంది అని డైరెక్టర్ ఆర్కే ధిమాన్ చెప్పారు.
ప్రత్యేక వసతులతో డైట్
కనికా కపూర్కు హాస్పిటల్లోని వంటగదిలో ప్రత్యేకంగా తయారు చేయించిన గ్లూటెన్ ఫ్రీ డైట్ అందజేస్తున్నాం. టాయిలెట్, మంచి బెడ్, టెలివిజన్తోపాటు ఏసీ గదిని ఏర్పాటు చేశాం. ఆమె ఉంటున్న గదికి వెలుతురు, అన్ని రకాల వెంటిలేషన్ చక్కగా ఉంది. ప్రత్యేకంగా ఏర్పాటు చేసిన కొవిడ్19 యూనిట్లో ఎయిర్ హ్యాండ్లింగ్ యూనిట్ను కూడా ఏర్పాటు చేశాం అని వైద్యులు వెల్లడించారు.
Recommended Video
వసుంధర రాజే సింధియాతో పార్టీ
ఇటీవల లండన్ నుంచి లక్నోకు చేరుకొన్న కనికా కపూర్కు కరోనావైరస్ పాజిటివ్గా వైద్యులు తేల్చారు. బీజేపీ ఎంపీ, మాజీ సీఎం వసుంధరరాజే కుమారుడు దుష్యంత్ సింగ్ ఏర్పాటు చేసిన విందుకు కనికా హాజరుకావడం అత్యంత వివాదాస్పదంగా మారింది. ప్రస్తుతం ఆమెను గృహనిర్భంధంలో ఉంచి చికిత్సనందిస్తున్నారు.