17 ఏళ్ల బాలికకు సెక్సువల్ హరాస్మెంట్: దుబాయ్‌లో ప్రముఖ సింగర్ అరెస్ట్!

17 ఏళ్ల బ్రెజిలియన్ అమ్మాయి ఫిర్యాదు

మికా సింగ్ మీద 17 ఏళ్ల బ్రిజిలియన్ గర్ల్ ఫిర్యాదు చేసింది. అతడు తనకు అసభ్యకరమైన ఫోటోస్ పంపుతూ లైంగికంగా వేధిస్తున్నాడని సదరు బాలిక పోలీసులకు కంప్లయింట్ చేసినట్లు తెలుస్తోంది.

తెల్లవారుఝామున 3 గంటలకు అరెస్ట్

బాలిక ఫిర్యాదు అందిన వెంటనే మికా సింగ్ కోసం గాలింపు చేపట్టిన దుబాయ్ పోలీసులు తెల్లవారు ఝామున 3 గంటలకు అతడిని బుర్జ్ దుబాయ్ వద్ద పట్టుకున్నారు. ప్రస్తుతం అతడిని పోలీసులు ప్రశ్నిస్తున్నారు.

బాలీవుడ్ ఈవెంట్ కోసం దుబాయ్ వెళ్లిన మికా సింగ్

దుబాయ్‌లో జరుగుతున్న ఒక బాలీవుడ్ ఈవెంటులో పెర్ఫార్మ్ చేసేందుకు మికా సింగ్ అక్కడికి వెళ్లారు. కొన్ని రోజుల క్రితం అతడు ఇన్‌స్టాగ్రామ్‌లో తన దుబాయ్ ప్రోగ్రాం గురించి పేర్కొంటూ ‘హేయ్ దుబాయ్... నేను మీ నగరంలో ఉన్నాను. మొదటి సారిగా మోస్ట్ పాపులర్ అవార్డ్స్ ‘మసాలా అవార్డ్స్'లో పాల్గొనేందుకు వచ్చాను అని పేర్కొన్నారు.

తెలుగులో మికా సింగ్

మికా సింగ్ ఇండియన్ మోస్ట్ పాపులర్ సింగర్లలో ఒకరు. బాలీవుడ్,. కన్నడ, ఒడియా, బెంగాలీ సినిమాలతో పాటు తెలుగులో రవితేజ మూవీ బలుపులో కూడా ఓ పాట పాడారు. ప్రైవేట్ ఆల్బమ్స్ తో ఆయన పాపులర్ అయ్యారు.