సోనమ్ కపూర్ కాబోయే భర్త బంగళా విలువ తెలిస్తే షాకే.. వెరైటీగా వెడ్డింగ్ కార్డు.. అదేంటో మీరే చూడండి..

ఆనంద్ అహుజా తొలిసారి..

సోనమ్, అక్షయ్ కుమార్ నటించిన రుస్తుం సినిమా కార్యక్రమంలో తొలిసారి ఆనంద్ మీడియా కంటపడ్డారు. దేశంలోనే అతిపెద్ద గార్మెంట్ ఎక్స్‌పోర్టు హౌస్ కంపెనీ షాహీ ఎక్స్‌పోర్ట్సు అధినేత హరీష్ అహుజా మనవడే ఆనంద్.

173 కోట్ల విలువైన బంగ్లా

ఢిల్లీలో నివసించే ఆనంద్‌కు ఫ్యాషన్ డిజైనింగ్ బోటిక్ వ్యాపారం ఉంది. ఆనంద్ ఫ్యామిలీ సంపన్నమైన వర్గం. ఆయన తాతగారు 2015లో పృథ్వీరాజ్ బంగ్లాలో ఓ భవనాన్ని కొనుగోలు చేశాడు. 3170 చదరపు అడుగులు ఉన్న ఈ భవనం విలువ రూ.173 కోట్ల విలువ. ఈ భవనంలో విలాసవంతమైన సదుపాయాలు ఉన్నాయి.

అమెరికాలో ఉన్నత విద్య

ఆనంద్ అహుజా అమెరికాలోని వార్టన్ బిజినెస్ స్కూల్‌లో ఉన్నత విద్యను అభ్యసించారు. ఆ తర్వాత ఇండియాకు తిరిగివచ్చి తమ వ్యాపారంలో భాగస్వామ్యులయ్యారు. వీరి వ్యాపారానికి జీఏపీ, టామీ హిల్ ఫిగర్, అబెకాంబీ లాంటి ప్రఖ్యాత సంస్తలు క్లయింట్స్‌గా ఉన్నారు.

అద్భుతంగా వెడ్డింగ్ కార్డు

సోనమ్ కపూర్, ఆనంద్ అహుజా వివాహానికి సంబంధించిన వెడ్డింగ్ కార్డును అద్భుతంగా డిజైన్ చేశారు. ఐశ్వర్యరాయ్, కరీనా కపూర్, షాహీద్ కపూర్, అనుష్క శర్మ, బిపాసా బసు, అర్పితా ఖాన్, వివేక్ ఒబెరాయ్ లాంటి ప్రముఖులకు ఆహ్వానాలు అందజేశారు.

ఈ-వెడ్డింగ్‌ కార్డుతో ఆహ్వానం

పర్యావరణ పరిరక్షణను దృష్టిలో ఉంచుకొని సోనమ్ తన వివాహ పత్రికను ఈ-వెడ్డింగ్ కార్డుగా రూపొందించారు. భారీ ఎత్తున జరిగే ఈ వివాహానికి ఎక్కువ సంఖ్యలో అతిథులను ఆహ్వానించాల్సిన నేపథ్యంలో ఈవెడ్డింగ్ కార్డును ఈమెయిల్, వాట్సప్ లాంటి ప్రసార మాధ్యమాల ద్వారా పంపుతున్నట్టు సమాచారం.