అమ్మాయిలను బానిసలుగా మారుస్తారా?.. మండిపడ్డ శ్రీరెడ్డి

పడుకోవాలా? వద్దా అనేది

సరోజ్ ఖాన్‌ చేసిన వ్యాఖ్యలేమిటంటే.. క్యాస్టింగ్ కౌచ్‌ అనే విషయం ప్రభుత్వ రంగంలో కూడా ఉంది. సినిమా పరిశ్రమకే ఆపాదిస్తారు. క్యాస్టింగ్ కౌచ్ వల్ల కనీసం జీవనాధారం కలుగుతున్నది. రేప్ చేసి వదిలేయడం లేదుగా? పడుకోవాలా; వద్దా? అమ్మాయి ఇష్టం. కానీ చెడ్డవారి చేతుల్లో పడుకుండా చూసుకోవాలి అని సరోజ్ వ్యాఖ్యలు చేశారు.

సరోజ్‌ఖాన్‌పై గౌరవం పోయింది

క్యాస్టింగ్ కౌచ్‌పై సరోజ్‌ఖాన్ చేసిన వ్యాఖ్యలు సరికావని శ్రీరెడ్డి అన్నారు. ఇప్పటివరకు సరోజ్ మేడమ్‌పై ఉన్న గౌరవం పోయింది. మంచి హోదా ఉన్న వ్యక్తిగా ఆమె యువ హీరోయిన్లకు మార్గదర్శకంగా ఉండాలి. నిర్మాతలకు బానిసలుగా మార్చే విధంగా ఆమె వ్యాఖ్యలు ఉన్నాయి అని శ్రీరెడ్డి పేర్కొన్నారు.

ఇంత నీచంగా వ్యాఖ్యలు చేస్తారా?

సరోజ్‌ఖాన్ వ్యాఖ్యలపై బాలీవుడ్ నటి సోఫి చౌదర్ ఖండించారు. సరోజ్ ఖాన్ ఇంత నీచంగా వ్యాఖ్యలు చేశారేంటి? ఆమె అంటే నాకు చాలా గౌరవం ఉంది. కొరియోగ్రాఫర్‌గా మంచి హోదా ఉన్న వ్యక్తి.. అమ్మాయిలను రక్షించాల్సింది పోయి ఇలాంటి వ్యాఖ్యలు చేస్తారా అని సోఫీ ఆగ్రహం వ్యక్తం చేశారు.

సరోజ్ ఖాన్ వ్యాఖ్యలు సరికావు

ఎంతో మంది అమ్మాయిలు తమ కలలను సాకారం చేసుకోవడానికి పరిశ్రమలోకి వస్తారు. కానీ పని కోసం మరొకరి దగ్గర పడుకొంటారని అనుకోను. కానీ క్యాస్టింగ్ కౌచ్‌ సరైనదని చెప్పే విధంగా సరోజ్‌ఖాన్ వ్యాఖ్యలు ఉన్నాయి అని సోఫి అన్నారు.