శ్రీదేవి వైరల్ వీడియో : ఇదే చివరి జ్ఞాపకం, ఫ్యాన్స్ ఉద్వేగం!

శ్రీదేవి చివరి క్షణాలు

బోనీ కపూర్ మేనల్లుడి వివాహ వేడుక కోసం తన కుటుంబంతో కలిసి దుబాయ్ వెళ్లిన శ్రీదేవి.... అక్కడి హోటల్‌లో అనుమానాస్పదంగా మరణించిన సంగతి తెలిసిందే. మరణానికి ముందు శ్రీదేవి అక్కడి వివాహ వేడుకలో ఎంతో సంతోషంగా గడిపారు.

శ్రీదేవి డాన్స్ వీడియో వైరల్

తన బంధువు మోహిత్ మార్వా పెళ్లి వేడుకలో శ్రీదేవి నృత్యం చేశారు. తన సహ నటుడు, మరిది అయిన అనిల్ కపూర్‌తో కలిసి పెళ్లి వేడుకలో డాన్స్ చేస్తూ ఎంతో ఆనందంగా గడిపారు. ఈ వీడియో ఇపుడు సోషల్ మీడియాలో వైరల్ అయింది.

చివరి డాన్స్ అదే పాటకు

బోనీ కపూర్‌తో పెళ్లికి ముందు శ్రీదేవి అనేక సినిమాల్లో నటించారు. ఆమె కేవలం అద్భుతమైన నటి మాత్రమే కాదు, సూపర్బ్ డాన్సర్ కూడా. భారతీయ సినీ అభిమానులు ఆమెకు నీరాజనం పట్టడానికి కారణం ఆమె అందం, నటన, డాన్స్ టాలెంటే. శ్రీదేవి చివరి సారిగా మోహిత్ మార్వా పెళ్లి వేడుకలో ‘చిట్టియాన కలైయాన్' అనే పాటకు డాన్స్ చేశారు.

శ్రీదేవి-అనిల్

శ్రీదేవి, అనిల్ కపూర్ అప్పట్లో ఆన్ స్క్రీన్ సూపర్ హిట్ జోడీగా పేరు తెచ్చుకున్నారు. ఇద్దరు కలిసి దాదాపు 12 హిందీ సినిమాల్లో నటించారు. లాడ్లా, జుదాయి, మిస్టర్ ఇండియా, లమ్హే, రూప్ కి రాణి చోరోంకా రాజా, రామ్ అవతార్, సోనె పె సుహాగా, జోషిలాయ్ చిత్రాల్లో ఈ ఇద్దరూ కలిసి నటించారు.

మంగళవారం సాయంత్రానికి ఇండియాకు శ్రీదేవి డెడ్ బాడీ

కాగా... శ్రీదేవి మరణం మిస్టరీగా ఉండటంతో పూర్తి విచారణ అనంతరం దుబాయ్ పోలీసులు శ్రీదేవి భౌతిక కాయాన్ని కుటుంబ సభ్యులకు అప్పగించారు. మంగళవారం సాయంత్రం శ్రీదేవి డెడ్ బాడీ ముంబై చేరనుంది. ఈ రోజు సాయంత్రం లేదా బుధవారం ఉదయం అంత్యక్రియలు జరిగే అవకాశం ఉంది.