శ్రీహరి కొడుకు హీరోగా ఎంట్రీ ఇచ్చాడు... అమ్మ, నాన్న గురించి ఎమోషనల్ స్పీచ్!

శ్రీహరి మన మధ్య లేక పోయినా..

శ్రీహరిగారు మన మధ్య లేక పోయినా ఆయన్ను తలుచుకోని వారు ఎవరూ లేరు. ఇక్కడ ఎవరూ పర్మినెంటుగా ఉండిపోము. అందరూ వెళ్లిపోవాల్సిన వారమే. కానీ మేఘాంశ్ రూపంలో మళ్లీ ఆయన మన ముందుకు వస్తున్నారని జీవిత వ్యాఖ్యానించారు.

వాళ్ల నాన్న పేరు నిలబెడతాడు

హీరో తల్లి డిస్కో శాంతి మాట్లాడుతూ... ‘‘ మేఘాంశ్ వాళ్ల నాన్న పేరు కాపడతాడు. నాకు ఆ నమ్మకం ఉంది. మొన్న ఒకసారి పిల్లలంతా పైన డాన్స్ చేస్తుంటే దొంగతనంగా వెళ్లి చూశాను. వాళ్ల అమ్మ గ్రేస్ వాడి బాడీలో ఉంది. అది బై బ్లడ్ వచ్చేస్తుంది.'' అన్నారు.

మా బావ ఫ్యాన్స్ ఆశీర్వాదం కావాలి

మా బావ ఫ్యాన్స్ అందరికీ ధన్యవాదాలు. మేము మీకు ఎప్పుడూ రుణపడి ఉంటాం. మా బావని మీరు ఎలా ఆదరించారో... నా కొడుకును కూడా అలాగే ఆదరించాలని మీ చేతిలో పెడుతున్నాను. మీ బ్లెస్సింగ్స్ ఎప్పుడూ అలాగే ఉండాలి. తను ఎప్పుడూ మీ ఇంటి బిడ్డలానే ఉంటాడు...హీరోలా ఎప్పుడూ బిహేవ్ చేయడు... అని డిస్కో శాంతి తెలిపారు.

వాళ్లు లేకుండా నేను లేను: మేఘాంశ్ ఎమోషనల్

మేఘాంశ్ మాట్లాడుతూ... ‘ఫస్ట్ లుక్ వచ్చినప్పటి నుంచే మమ్మల్ని ఎంకరేజ్ చేస్తున్న మీడియా వారికి థాంక్స్. ‘రాజ్ దూత్' నా మొదటి సినిమా. ఈ అవకాశం ఇచ్చిన సత్తిబాబు అంకుల్‌కు థాంక్స్. డైరెక్టర్స్ అర్జున్ అండ్ కార్తీక్ చాలా బాగా చేశారు. హీరోయిన్ నక్షత్ర తెలుగు అమ్మాయి కాబట్టి మాకు ఎలాంటి ఇబ్బంది కలగలేదు. సినిమా గురించి చెప్పడం కంటే చూస్తేనే బావుంటుంది. నేను ఇక్కడి వరకు రావడానికి కారణం మా ఫాదర్, మదర్. వారి రుణం ఎప్పటికీ తీర్చుకోలేను. వాళ్లు లేక పోతే నేను లేను. వచ్చే నెల సినిమా విడుదలవుతుంది'' అన్నారు.