హోమ్

బాలీవుడ్

సన్నీ లియోన్ నా తల్లి అంటూ కొద్ది రోజుల క్రితం బీహార్ కు చెందిన ఓ డిగ్రీ విద్యార్ధి సోషల్ మీడియాలో హడావిడి చేసిన సంగతి తెలిసిందే. అయితే, ఇప్పుడు ఆ వార్తలపై సాక్షాత్తూ సన్నీ లియోన్ రియాక్ట్ అవ్వడంతో మరోసారి ఈ వార్త హెడ్ లైన్స్ కు ఎక్కింది.

బీహార్ కు చెందిన బీఏ విద్యార్ధి తన అడ్మిట్ కార్డ్ లో ఇమ్రాన్ ష్మీని తన తండ్రిగాను, సన్నీ లియోన్ ను తన తల్లి గానూ పేర్కొనడం స్థానికంగా సంచలనం సృష్టించింది. భీమ్ రావ్ అంబేద్కర్ యూనివర్శిటీ నిర్వాహకులు ఈ అడ్మిట్ కార్డ్ ను చూసి షాక్ అవ్వడంతో విషయం బయటకు వచ్చింది. వారే ఈ అడ్మిట్ కార్డ్ ను సోషల్ మీడియాలో షేర్ చేయడంతో కొద్ది గంటల్లోనే అది వైరల్ గా మారింది. ఇక ఇమ్రాన్ హష్మీకి , సన్నీలియోన్ కు ముజాఫర్ నగర్ లో పెళ్లి అయిందని, వారు అక్కడే నివాశం ఉంటున్నారని రికార్డుల్లో పేర్కొనడం మరో విశేషం.

దీనిపై వెంటనే స్పందించిన ఇమ్రాన్ హష్మీ నాకేమీ సంబంధం లేదంటూ ట్వీట్ చేశాడు. తాజాగా సన్నీలియోన్ కూడా ఈ వార్తపై స్పందించింది. ఈ కుర్రాడు భలేగా ఉన్నాడు... పెద్ద కలలు కనడం కూడా ఓ కళే అంటూ సరదాగా ట్వీట్ చేసింది. మొత్తానికి ఆ కుర్రాడికి వచ్చిన ఆలోచన నేషనల్ వైడ్ గా వైరల్ గా మారింది.