Boycott Brahmastra: ఈ సినిమా వల్లే సుశాంత్ చనిపోయడంటూ.. దారుణంగా..

నెగిటివ్ ట్యాగ్స్

రీసెంట్ గా అమీర్ ఖాన్ నటించిన లాల్ సింగ్ చడ్డా సినిమా భారీ స్థాయిలో విడుదలైన విషయం తెలిసిందే. అయితే ఈ సినిమా ప్రమోషన్స్ లో కూడా అమీర్ ఖాన్ గతంలో మాట్లాడిన విషయాలపై తప్పుగా అర్థం చేసుకోవద్దు అని ఒక వివరణ కూడా ఇచ్చాడు. అయినప్పటికీ కూడా అమీర్ ఖాన్ గతంలో దేశంలో రక్షణ లేదు అని దేశంలో ఉండాలని లేదు అని చెప్పడం కించపరచినట్లే అంటూ నెటిజన్లు తీవ్రస్థాయిలో లాల్ సింగ్ సినిమాను బాయ్‌కాట్ చేయాలి అని నెగటివ్ ట్యాగ్స్ ట్రెండ్ చేశారు.

రెండు వారాలపాటు ట్రెండ్

అంతేకాకుండా పీకే సినిమాలో చాలావరకు హిందూ దేవుళ్లను కించపరిచే విధంగా చాలా సన్నివేశాలు ఉన్నాయి అని బాలీవుడ్ పరిశ్రమలో హీరోలు ఈ విధంగా అలా చేయడం ఏమాత్రం కరెక్ట్ కాదు అని నెటిజన్లు లాల్ సింగ్ చడ్డా సినిమాను హిందువులు ఎవరూ కూడా చూడవద్దు అని కూడా బాయ్‌కాట్ ట్యాగ్ ను దాదాపు రెండు వారాలపాటు ట్రెండ్ అయ్యేలా చేశారు.

బ్రహ్మాస్త్ర సినిమాపై

అయితే ఇప్పుడు మరొక పెద్ద సినిమాకు బాయ్‌కాట్ నెగిటివ్ ట్యాగ్స్ సోషల్ మీడియాలో మప్పుగా మారబోతున్నట్లు అర్థమవుతుంది. లాల్ సింగ్ చడ్డా సినిమా ఊహించని విధంగా దారుణమైన కలెక్షన్స్ అందుకుంది. ఒక విధంగా బాయ్‌కాట్ నెగిటివ్ ట్యాగ్స్ తీవ్ర ప్రభావం చూపించింది. ఇక ఇప్పుడు బ్రహ్మాస్త్ర సినిమాపై కూడా అదే తరహా నెగటివ్ ట్యాగ్స్ ఒక రేంజ్ లో వైరల్ అవుతున్నాయి.

సుశాంత్ ఫ్యాన్స్

ముఖ్యంగా సుశాంత్ సింగ్ ను ఎక్కువగా ఇష్టపడే నేటిజన్స్ ఈ సినిమాపై తీవ్ర స్థాయిలో అభ్యంతరం వ్యక్తం చేస్తున్నారు. రణబీర్ కపూర్ అలియా భట్ జంటగా నటించిన ఈ సినిమాను కరణ్ జోహార్ నిర్మించగా అయాన్ ముఖర్జీ దర్శకత్వం వహించాడు. ఈ సినిమా కంటెంట్ పై కాకుండా తెర వెనుక జరిగిన కొన్ని కారణాల వలన ఊహించని విధంగా నెగిటివ్ ట్యాగ్స్ ట్రెండ్ అయ్యేలా చేస్తున్నారు.

సుశాంత్ మరణానికి కారణం అంటూ..

ఎందుకంటే సుశాంత్ సింగ్ ను ఈ సినిమాలో మొదట హీరోగా సెలెక్ట్ చేశారు అని అయితే ఆ తర్వాత కరణ్ జోహార్ కావాలని నెపోటిజం ఆలోచనలతోనే సుశాంత్ సింగ్ ను తీసేశాడు అనే వార్తలు జోరుగా ప్రచారం అవుతున్నాయి. ఇక ఆ కారణం చేతనే పెద్ద సినిమా మిస్ అయింది అని సుశాంత్ సింగ్ తీవ్ర మనోవేదనకు గురయ్యాడు అని ఆ తర్వాత నల్అతను ఆత్మహత్య చేసుకున్నాడు అని కూడా చెబుతున్నారు. అందువల్లనే ఈ సినిమాను బాయ్‌కాట్ చేయాలి అని సుశాంత్ సింగ్ అభిమానులు కొన్ని నెగటివ్ ట్యాగ్స్ ను ట్రెండ్ చేస్తున్నారు. మరి ఈ ప్రభావం సినిమాపై ఎంతవరకు పడుతుందో చూడాలి. బ్రహ్మాస్త్ర పార్ట్ 1 సెప్టెంబర్ 9న విడుదల కానుంది.