నా భర్తని టార్గెట్ చేశారు.. ఇలాంటి వాళ్ళు శ్రీకృష్ణుడిపై కూడా నిందలు వేస్తారు.. నటి దివ్య ఖోస్లా!

టి సిరీస్ అధినేతపై

బాలీవుడ్ నిర్మాత, టి సిరీస్ అధినేత అయిన భూషణ్ కుమార్ పై సంచలన ఆరోపణలు వెలుగులోకి వచ్చాయి. గుర్తు తెలియని ఓ నటి సోషల్ మీడియా వేదికగా భూషణ్ తనని లైంగికంగా వేధించినట్లు పేర్కొంది. దీనితో భూషణ్ తరుపు నుంచి కూడా అంతే స్థాయిలో ఘాటుగా రియాక్షన్ వచ్చింది.

మూడు సినిమాల్లో ఛాన్స్

మూడు సినిమాల్లో అవకాశం ఇస్తానని భూషణ్ కుమార్ తనని వేధించాడని ఆ నటి పేర్కొంది. తనతో పడుకుంటే మూడు సినిమాల్లో ఖాయం అని చెప్పాడు. తాను ఒప్పుకోకపోవడంతో తనకు ఎలాంటి అవకాశాలు రాకుండా చూశాడని ఆనతి ఆరోపించింది. ఆమె ఆరోపణలని భూషణ్ కుమార్ ఖండించడమే కాదు, కేసు కూడా నమోదు చేశారు. ఎలాంటి ఆధారాలు లేకుండా తనపై అసత్య ఆరోపణలు చేసిందని ఫిర్యాదు చేశాడు.

స్వార్థం కోసం

తన భర్తపై వచ్చిన ఆరోపణలపై భూషణ్ కుమార్ సతీమణి, నటి దివ్య ఖోస్లా ఘాటుగా స్పందించింది. మీటూ ఉద్యమం దారితప్పుతోందని వ్యాఖ్యానించింది. కొంతమంది తమ స్వార్థం కోసం ఇతరులపై దారుణమైన ఆరోపణలు చేస్తున్నారు. ఎలాంటి ఆధారాలు లేకుండా ఇతరులపై ఆరోపణలు చేసి సమాజాన్ని శుభ్రపరుస్తున్నామే ముసుగులో దాక్కుంటున్నారని దివ్య ఘాటు విమర్శలు చేసింది.

దేవుడిపై కూడా నిందలు

ఇలాగే వదిలేస్తే ఇలాంటి వాళ్లంతా చివరకు భగవంతుడు శ్రీకృష్ణుడిపై కూడా మీటూ పేరుతో నిందలు వేస్తారని దివ్య సంచలనం కామెంట్స్ చేసింది. నా భర్త ఎంతో కష్టపడి ఈ స్థాయికి చేరుకున్నారు. నా భర్త విలువలు పాటించే వ్యక్తి అని దివ్య అన్నారు.