హీరో భార్య బ్యాక్‌లెస్ ఫోటో: వీపుపై మచ్చ చూపించడం కష్టంగా ఉందంటూనే...

ప్రతి ఒక్కరినీ కదిలిస్తున్న తాహిరా ఇన్‌స్టా పోస్ట్

అందరికీ ప్రపంచ కేన్సర్ దినోత్సవ శుభాకాంక్షలు. నాలాంటి వారంతా ఈ రోజును స్వీకరిస్తూ సెలబ్రేట్ చేసకుంటారని నమ్ముతున్నాను. కేన్సర్ చికిత్స తీసుకునే క్రమంలో మన శరీరంలో కొన్ని ఊహించని మార్పులు జరుగుతాయి. ఏది ఏమైనా మనల్ని మనం ప్రేమించుకోవాలనే చైతన్యం ప్రతి ఒక్కరిలో రావాల్సిన అవసరం ఉంది. నా శరీరంపై ఏర్పడిన మచ్చలను నాకు లభించిన పతకాలుగా స్వీకరిస్తున్నాను. ఇంతకంటే పెర్ఫెక్ట్ నిర్ణయం ఏమీ ఉండదు.. అని తాహిరా వ్యాఖ్యానించారు.

ఆ మచ్చ చూపించడం కష్టంగా ఉండేది

తన శరీరంపై ఏర్పడిన మచ్చను ప్రపంచానికి చూపించడం కష్టంగా ఉండేదని ఈ సందర్భంగా తాహిరా చెప్పుకొచ్చారు. కానీ ఈ ఫోటో పోస్టు చేయడం వెనక నా ఉద్దేశ్యం నాకు సోకి వ్యాధిని సెలబ్రేట్ చేసుకోవడం కాదు, దాని వల్ల నేను పొందిన స్పిరిట్‌ను సెలబ్రేట్ చేసుకోవడమే అని తెలిపారు.

అజేయమైన జీవితాన్ని గడపడమే శాశ్వత విజయం

ఈ సందర్భంగా ఆమె బౌద్ధ తత్వవేత్త వ్యాఖ్యలను ప్రస్తావించారు. అజేయమైన జీవితాన్ని గడపడమే ఒక శాశ్వత విజయం. ఎప్పుడూ ఓటమిని అంగీకరించరాదు... గెలవడం కంటే పోరాడటమే విజయం కంటే గొప్పది. అది మనలో సవాలును పెంచుతుంది. చాలా సార్లు మనం కింద పడిపోతాం, ఆ సమయంలో మనం మళ్లీ పైకి లేచి ముందుకు ఒక అడుగు వేయడం ఎంతో ముఖ్యం, వీలు కాకపోతే సగం అడుగైనా ముందుకు వేయాలి అని వ్యాఖ్యానించారు.

దర్శకత్వం వైపు

తాహిరా కశ్యప్ త్వరలో దర్శకురాలిగా ఎంట్రీ ఇవ్వబోతున్నారు. మాధురి దీక్షిత్ ప్రధాన పాత్రలో ఓ సినిమా చేసేందుకు ప్లాన్ చేసుకుంటున్నారు. త్వరలో పూర్తి వివరాలు వెల్లడికానున్నాయి.