హోమ్

బాలీవుడ్

బాలీవుడ్ స్టార్స్ సైఫ్ అలీ ఖాన్, కరీనా కపూర్ దంపతులకు సంవత్సరన్నర వయసున్న కుమారుడున్న ఉన్న సంగతి తెలిసిందే. తమ ముద్దుల కుమారుడికి తైమూర్ అలీ ఖాన్ అనే పేరు పెట్టుకున్నారు. కరీనా కొడుకు పుట్టిన తర్వాత కూడా సినిమాల్లో నటిస్తున్నారు. దీంతో తైమూర్ బాగోగులు చూసుకోవడానికి ఆయాను నియమించుకున్నారు.

అయితే తైమూర్ బాగోగులు చూసుకునే ఆయాకు సైఫ్-కరీనా దంపతులు చెల్లించే జీతం ఇపుడు హాట్ టాపిక్ అయింది. ఆమెకు నెలకు రూ. 1.5 లక్షలు చెల్లిస్తున్నారట. ఓవర్ టైమ్ బాబును చూసుకోవాల్సి వస్తే అదనంగా చెల్లిస్తున్నారట.

ఓ ఆంగ్లపత్రిక కథనం ప్రకారం... తైమూర్‌ను చూసుకుంటున్న ఆయాకు నెల రూ. 1.5 లక్షలు చెల్లిస్తున్నారు. ఒక్కోసారి ఓవర్ టైమ్ పని చేసినపుడు రూ. 1.75 లక్షల వరకు చెల్లిస్తున్నారని, బాబును తిప్పడానికి ఆమె కోసం ప్రత్యేకంగా కారు కూడా ఏర్పాటు చేశారని సమాచారం.

అంతే కాదు... సైఫ్-కరీనా విదేశాలకు వెకేషన్ వెళ్లినపుడు తైమూర్‌ను కూడా తీసుకెళతారని, ఆ సమయంలో కూడా ఆయాను కూడా వారి వెంట తీసుకెళతారని సమాచారం. ముంబైలోని ఓ ఒక హై ప్రొఫైల్ ఏజెన్సీ నుండి ఆయాను రిక్రూట్ చేసుకున్నారని, తుషార్ కపూర్, సోహా అలీ ఖాన్ కూడా తమ పిల్లలను చూసుకోవడానికి ఇదే ఏజెన్సీ నుండి ఆయాలను రిక్రూట్ చేసుకున్నారని టాక్.