అఫీషియల్: ప్రధాని నరేంద్ర మోడీ బయోపిక్ ఖరారు, ఫస్ట్ లుక్ ఎప్పుడంటే...

ఆయన ఎందుకు తప్పుకున్నారో?

వాస్తవానికి నాలుగేళ్ల క్రితమే నరేంద్ర మోడీ బయోపిక్ అనౌన్స్ చేశారు. మోడీ పాత్ర పరేష్ రావల్‌తో చేయించాలనుకున్నారు. కారణం ఏమిటో తెలియదు కానీ ఈ ప్రాజెక్ట్ నుంచి ఆయన తప్పుకున్నారు. ఇపుడు వివేక్ ఒబెరాయ్‌తో ఆ పాత్ర చేయించేందుకు ఒప్పించారు.

అఫీషియల్ ప్రకటన, ఫస్ట్ లుక్ ఎప్పుడంటే...

ఈ విషయాన్ని ధృవీకరిస్తూ ప్రముఖ సినీ విశ్లేషకుడు తరణ్ ఆదర్శ్ ట్వీట్ చేశారు. వివేక్ ఒబెరాయ్ హీరోగా ఓమంగ్ కుమార్ దర్శకత్వంలో సందీప్ సింగ్ నిర్మాతగా నరేంద్ర మోడీ బయోపిక్ రాబోతోంది. ఫస్ట్ లుక్ పోస్టర్ జనవరి 7న ఆవిష్కరిస్తారు. సంక్రాంతి తర్వాత నుంచి షూటింగ్ మొదలవుతుందని తెలిపారు.

ఇందులో ఏం చూపిస్తారు?

మెడీ బాల్యం, ఛాయ్ వాలా స్థాయి నుంచి ప్రధాన మంత్రిగా ఎదిగిన క్రమం.... రాజకీయాల వైపు ఎలా వచ్చారు? గుజరాత్ ముఖ్యమంత్రిగా, ఆపై దేశ ప్రధానిగా ఎన్నిక కావడం వెనక పరిణామాలు ఏమిటి? లాంటి ముఖ్యమైన విషయాలు ఈ చిత్రంలో చూపిస్తారని తెలుస్తోంది.

పొలిటికల్ కోణం?

మరికొన్ని నెలల్లో సాధారణ ఎన్నికలు జరుగనున్న నేపథ్యంలో మోడీ బయోపిక్ హాట్ టాపిక్ అయింది. ఈ బయోపిక్ తెరకెక్కించడం వెనక రాజకీయ కారణాలు ఏమైనా ఉన్నాయా? అనే అనుమానాలు సైతం వ్యక్తం అవుతున్నాయి.