Don't Miss!
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఆ రోజు ఆయన లేకపోతే బతికే వాడిని కాదు, నాకు ప్రాణబిక్షపెట్టారు!
మహారాష్ట్రను తన కనుసైగల్లో నియంత్రించిన పొలిటికల్ టైగర్ బాల్ థాక్రే. థాక్రే మరణం తర్వాత ప్రస్తుతం ఆయన జీవితం ఆధారంగా సినిమా రూపొందింది. ఈ చిత్రంలో థాక్రే పాత్రను ప్రముఖ నటుడు నవాజుద్దీన్ సిద్దీఖీ పోషించారు. ఈ సినిమా ట్రైలర్ లాంచ్ కార్యక్రమం ముంబైలో జరుగగా, ఆ ఈవెంట్కు బిగ్బీ అమితాబ్ హాజరయ్యారు. ఆ సందర్భంగా థాక్రే గురించి ఆసక్తికరమైన విషయాలు వెల్లడించారు.
కూలీ షూటింగ్లో ప్రమాదం
1983లో కూలీ చిత్రం షూటింగ్లో దారుణమైన ప్రమాదానికి గురయ్యాను. ఆ సమయంలో నా ఆరోగ్యం విషమించింది. వాతావరణం సరిగా లేకపోవడంతో నన్ను ఆస్పత్రికి తరలించడానికి అంబులెన్స్ దొరకలేదు. అలాంటి సమయంలో బాల్ థాక్రే వెంటనే స్పందించి తన అంబులెన్స్లో నన్ను హాస్పిటల్కు చేర్చారు అని బిగ్బీ ఆనాటి రోజులను గుర్తు చేసుకొని భావోద్వేగానికి గురయ్యాడు.
బాల్ థాక్రే స్పందించకపోతే
నేను గాయపడిన రోజున సకాలంలో బాల్ థాక్రే స్పందించకపోతే నా పరిస్థితి అదోలా ఉండేది. ఈ రోజు నేను బతికి ఉండేవాడిని కాదు. నాకు ప్రాణబిక్ష పెట్టారు. ఆయనతో నాకు ప్రత్యేకమైన అనుబంధం ఉంది. అతనంటే నాకు ఎనలేని అభిమానం అని అమితాబ్ చెప్పారు.
జయను కూతురిలా చూసుకొన్నాడు
జయ బచ్చన్తో నా పెళ్లి జరిగినప్పుడు కూడా థాక్రే పెద్ద మనసుతో వ్యవహరించాడు. పెళ్లి తర్వాత మమల్ని ఆహ్వానించడంతో థాక్రేను కలిశాం. ఆ సమయంలో జయబచ్చన్ను ఓ కూతురిలా చూసుకొన్నారు అని అమితాబ్ వెల్లడించారు.
థాక్రే మూవీ 24న రిలీజ్
ప్రపంచవ్యాప్తంగా థాక్రే చిత్రం జనవరి 24న రిలీజ్ కానున్నది. నవాజుద్దీన్ సిద్ధిఖీ థాక్రే పాత్రను పోషించిన సంగతి తెలిసిందే. ఆయన భార్య మీనాతాయ్గా బాలీవుడ్ నటి అమృతారావు నటించారు. ఈ చిత్రం కంగన రనౌత్ నటించిన మణికర్ణికతో పోటీ పడనున్నది.