గుండె బద్దలైంది.. మాటలు రావట్లే.. సుశాంత్ సింగ్ మృతిపై ఆర్జీవి, మహేష్, అనసూయ

రామ్ గోపాల్ వర్మ

విలక్షణ దర్శకుడు రామ్ గోపాల్ వర్మ కూడా ఈ ఘటనపై ట్విట్టర్ ద్వారా స్పందించారు. బాలీవుడ్ మునుపెన్నడు అనుభవించని అత్యంత షాకింగ్ విషయం ఇదేనని అన్నారు. అతను ఇంకా యంగ్ గానే ఉన్నాడు. ఎంతో మంచి లైఫ్ ఉంది. అయినా ఎందుకు ఇలా చేశాడు అంటూ జేమ్స్ డీన్ మరియు హీత్ లెడ్జర్ మరణాల కంటే సుశాంత్ సింగ్ రాజ్‌పుత్ మరణం చాలా షాకింగ్ విషయం అని అన్నారు. అలాగే కరోనావైరస్ తో పాటు దేవుడు బాలీవుడ్‌కు మరో శాపం తెచ్చిపెట్టినట్లు తెలుస్తోందని అన్నారు

మహేష్ బాబు ట్వీట్..

సుశాంత్ సింగ్ రాజ్ పుత్ మరణవార్త గురించి తెలియగానే షాక్ అయ్యాను. పవర్ హౌజ్ లాంటి టాలెంట్ ఉన్న అతి తక్కువ వయసు ఉన్న హీరో. అతను ఆత్మకు శాంతి దొరకలని అనుకుంటున్నాను. అతని మృతిపట్ల కుటుంబ సభ్యులు మనోవేదనకు లోను కాకుండా ధైర్యంగా ఉండాలని ప్రగాఢ సంతాపం తెలియజేస్తున్నట్లు మహేష్ బాబు ట్వీట్ చేశారు.

అనసూయ భరద్వాజ్..

నేను చాలా వినాశనానికి గురయ్యాను. ఈ భయంకరమైన వార్త గురించి తెలుసుకోవడానికి నాకు కొంత సమయం పట్టింది. మరో అద్భుతమైన వ్యక్తిని కోల్పోయాము. మరణం గురించి పదే పదే వినడం హృదయం బద్దలువుతోంది. అతని కుటుంబానికి నా హృదయపూర్వక సంతాపం తెలియజేస్తున్నాను అలాగే సుశాంత్ సింగ్ రాజ్ పుత్ ఆత్మకు శాంతి చేకూరాలని కొరుకుంటున్నట్లు అనసూయ పేర్కొన్నారు.

Recommended Video

Sushant Singh Rajput Latest News And His last Instagram Post

అనిల్ రావిపూడి..

టాలీవుడ్ దర్శకుడు అనిల్ రావిపూడి కూడా సుశాంత్ మృతి షాకింగ్ గా ఉందని అన్నారు. అలాగే ఈ ఘటనతో మాటలేమి రావట్లేదనే విదంగా ఉందంటూ.. అతను ఆత్మకి శాంతి చేకూరాలని అన్నారు. సినిమా హీరోలతో పాటు దర్శకులు, నిర్మాతలు ఇలా చాలా మంది సుశాంత్ సింగ్ మృతి పట్ల సంతాపం తెలియజేస్తున్నారు.