Don't Miss!
- News జగన్కు షాక్..పిఠాపురంలో వైసీపీకి భారీగా రాజీనామాలు
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Sports రసెల్కు భయపడి ఆ బౌలర్పై వేటు..KKRతో ఆడే RCB తుది జట్టు ఇదే!
- Automobiles సమ్మర్లో కార్లలో వీటిని అస్సలు ఉంచొద్దు.. లేదంటే ప్రమాదాన్ని కొని తెచ్చుకున్నట్లే.!!
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
బూతులు, అసభ్యకరమైన సీన్లు.... పాక్లో కరీనా, సోనమ్ కపూర్ మూవీపై నిషేదం!
కరీనా కపూర్, సోనమ్ కపూర్, స్వర భాస్కర్, సిఖా తల్సానియా ప్రధాన పాత్రల్లో తెరకెక్కిన బాలీవుడ్ చిత్రం 'వీరే ది వెడ్డింగ్' పై పాకిస్థాన్లో నిషేదం విధించారు. ఈ చిత్రంలో బూతులతో కూడిన సెక్సువల్ డైలాగులు, అసభ్యకరమైన సీన్లు ఉన్నాయంటూ పాకిస్థాన్ సెన్సార్ బోర్డ్ ఈ నిర్ణయం తీసుకుంది. తమ సెన్సార్ నిబంధనలు ఉల్లంగించే విధంగా ఈ చిత్రం ఉందని పాకిస్థాన్ సెన్సార్ బోర్డ్ చైర్మ డన్యాల్ గిలాని తెలిపారు.
మంగళవారం పాకిస్థాన్ సెన్సార్ బోర్డు సభ్యుల కోసం ఈ చిత్రాన్ని ప్రత్యేకంగా ప్రదర్శించారు. సినిమా చూసిన అనంతరం సింధ్ ఫిల్మ్ సెన్సార్ బోర్డ్ కొన్ని కత్తిరింపులతో అనుమతి ఇచ్చినా... ఫైనల్ గా పాక్ కేంద్ర సెన్సార్ బోర్డ్ నిషేధం విధిస్తూ ఆదేశాలు జారీ చేసింది. నిషేధానికి సింధ్ సెన్సార్ బోర్డ్ కూడా అంగీకరించడం గమనార్హం.
ఇక ఇండియాలో ఈ సినిమాకు 'ఎ' సర్టిఫికెట్ జారీ చేశారు. సినిమా సెన్సార్ సమయంలో కొందరు ప్యానల్ మెంబర్స్ సినిమాలో వాడిన పదజాలంపై అభ్యంతరం వ్యక్తం చేసినట్లు తెలుస్తోంది. అయితే ఈ తరం యువత ఉపయోగించే లాంగ్వేజ్ ఉన్నది ఉన్నట్లుగా సినిమాలో వాడారని, ఆ డైలాగులు తీసేస్తే సినిమా నేచురల్ ఫ్లేవర్ మిస్సవుతుందని జితేంద్ర, అనిల్ కపూర్ వాదించినట్లు సమాచారం. దీంతో ఎలాంటి కట్స్ లేకుండా ఈ చిత్రానికి 'ఎ' సర్టిఫికెట్ జారీ చేశారు.
జూన్ 1న 'వీరే ది వెడ్డింగ్' మూవీ విడుదలకు సిద్ధమవుతోంది. శశాంకా ఘోష్ దర్శకత్వం వహించారు. అనిల్ కపూర్, రియా కపూర్, నిఖిల్ ద్వివేది, ఏక్తా కపూర్, శోభా కపూర్ నిర్మాతలు. 'వీరే ది వెడ్డింగ్' అంటే స్నేహితుల పెళ్లి అని అర్థం. వినోదాత్మకంగా, ఈ తరం యువతకు నచ్చేలా ఈ చిత్రం ఉంటుందని అంటున్నారు.