Don't Miss!
- News రాజీనామాకు సిద్దం - కోమటిరెడ్డి వెంకటరెడ్డి..!!
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Sports ఒక్కసారి కమిటైతే నా మాట నేనే వినను- కమిన్స్ Video
- Finance Gold Bonds: గోల్డ్ బాండ్స్ ప్రీమెచూర్ ధర ప్రకటించిన ఆర్బీఐ.. పూర్తి వివరాలివే..
- Automobiles సేఫ్టీలో మహీంద్రా బొలెరో నియోకు కేవలం 1-స్టార్ రేటింగ్.. దీనిపై కంపెనీ ఏమందంటే??
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
క్షీణించిన దిలీప్ కుమార్ ఆరోగ్య పరిస్థితి
వెటరన్ యాక్టర్ దిలీప్ కుమార్ ఆరోగ్య పరిస్థితి మరోసారి విషమించింది. ఆయన చాలా నీరశంగా ఉన్నారని, సరిగ్గా నడవలేకపోతున్నారని ఆయన సతీమణి సైరా భాను వెల్లడించారు. తన గది నుంచి హాల్ వరకూ మాత్రమే నడవగలుగుతున్నారని, దీలీప్ రోగనిరోధక శక్తి క్రమంగా తగ్గుతోందని తెలిపిన భాను, ఆయన ఆరోగ్యం కుదుటపడాలని అభిమానులు ప్రార్ధించాల్సిందిగా కోరారు.
భారత వెండితెర ఆణిముత్యాల్లో ఒకరిగా పేరుగాంచిన దిలీప్ కుమార్ ప్రపంచవ్యాప్తంగా ఎందరో అభిమానులను సంపాదించుకున్నారు. 1966లో నటీమణి సైరా భానును వివాహమాడిన దిలీప్ కుమార్ ఈ ఏడాది 54 వివాహ వార్షికోత్సవం జరుపుకున్నారు. ఇక ఇటీవలే ఓ వార్తా పత్రికకు ఇచ్చిన ఇంటర్వ్యూలో దిలీప్ ఆరోగ్య పరిస్థితిని వివరించిన సైరా భాను పలు కీలక విషయాలను వెల్లడించారు.
ఆయన లేచి నడుస్తున్న ప్రతీ రోజూ దేవుడి రుణపడి ఉంటున్నామని తెలిపిన సైరా... ఆయన కోలుకోవాలని అభిమానులు కూడా ప్రార్థించాలని విన్నవించుకున్నారు. జీవిత చరమాంకంలో ఆయనకు తోడుగా ఉంటోంది కేవలం ప్రేమతో మాత్రమే తప్ప, ఆయన నుంచి ఇంకేమీ ఆశించడంలేదని భాను స్పష్టం చేశారు.
ఆయన సంరక్షణలోనే తనకు అమితమైన ఆనందం దొరుకుతోందని తెలిపిన సైరాభాను, మంచి భార్యగా పేరు సంపాదించుకోవాలన్న అభిలాష లేదని తేల్చిచెప్పారు. జీవితంలో తనకు అత్యంత అపురూపమైనది దిలీప్ మాత్రమేనని వెల్లడించారు. ఆయనే తన శ్వాస అని ఎమోషనల్ అయ్యారు.
ఇటీవలే దిలీప్ కుమార్ సోదరులు అషాన్, అస్లమ్ కరోనా బారిన పడి ప్రాణాలు కోల్పోయిన సంగతి తెలిసిందే. దిలీప్, సైరాభాను సైతం మార్చ్ నుంచి ఇంటికే పరిమితమయ్యారు. దిలీప్ ఆరోగ్య రిత్యా దంపతులు ఇద్దరూ ఐసోలేషన్ లోనే కాలం వెల్లడిస్తున్నారు. ఏమైనా దిలీప్ త్వరగా కోలుకోవాలని అందరూ ఆశిస్తున్నారు.