Don't Miss!
- Technology ధర రూ.9,999 కే 108MP కెమెరా, 8GB ర్యామ్ స్మార్ట్ఫోన్.. కొనుగోలుపై స్మార్ట్వాచ్ ఉచితం..!
- Finance Swiggy IPO: ఐపీఓగా రానున్న స్విగ్గీ..!
- News ప్రధాని మోదీ, రాహుల్ గాంధీలకు షాక్; కోడ్ ఉల్లంఘనలపై ఈసీ నోటీసులు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Lifestyle వేసవిలో మైగ్రేన్ తలనొప్పి ఎందుకు పెరుగుతుంది, లక్షణాలు, ఉపశమనం ఎలా పొందాలో తెలుసుకోండి
- Sports SRHను చూస్తే భయమేస్తోంది- పాక్ దిగ్గజం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ప్రముఖ హాస్యనటుడు కన్నుమూత... ఈ సారి రూమర్స్ కాదు, నిజమే!
బాలీవుడ్ సీనియర్ హాస్యనటుడు ఖాదర్ ఖాన్(81) కన్నుమూశారు. అనారోగ్య కారణాలతో గత 5 నెలలుగా కెనడాలోని ఆసుపత్రిలో చికిత్స పొందుతున్న ఆయన డిసెంబర్ 31 సాయంత్రం 6 గంటల సమయంలో తుదిశ్వాస విడిచారు. ఈ విషయాన్ని ఖాదర్ ఖాన్ కుమారుడు సర్ఫరాజ్ ధృవీకరించారు. కెనడాలోనే ఆయన అంత్యక్రియలు నిర్వహించనున్నారు.
రాజేష్ ఖన్నా నటించిన 'ధాగ్'(1973) చిత్రంతో ఖాదర్ ఖాన్ బాలీవుడ్ కెరీర్ మొదలుపెట్టారు. 300లకు పైగా చిత్రాల్లో నటించడంతో పాటు 250 చిత్రాలకు స్క్రీన్ రైటర్గా పని చేశారు. ఆయన మృతి పట్ల బాలీవుడ్ ప్రముఖులు సంతాపం వ్యక్తం చేశారు.
ఆప్ఘనిస్థాన్లోని కాబూల్లో జన్మించిన ఖాదర్ ఖాన్ కొంతకాలంగా కెనడాలో స్థిరపడిన తన కుమారుడి వద్ద ఉంటున్నారు. ప్రొగ్రెసివ్ సుప్రాన్యూక్లియర్ పాల్సీ (పీఎస్పీ) అనే వ్యాధితో కొన్ని నెలలుగా బాధపడిన ఆయన బీపాప్ వెంటిలెటర్పై చికిత్స తీసుకుంటూ కన్నుమూశారు.
అయితే ఖాదర్ ఖాన్ మరణించడానికి కొన్ని గంటల ముందే కోమాలోకి వెళ్లిపోయారు. దీంతో ఆయన చనిపోయినట్లు మీడియాలో వార్తలు స్ప్రెడ్ అయ్యాయి. అందులో నిజం లేదని, ఆయన ఆరోగ్యం నిలకడగా ఉందని కుటుంబ సభ్యులు ప్రకటించారు. అయితే వారి నుంచి ఈ ప్రకటన వచ్చిన కొన్ని గంటలకే ఖాదర్ ఖాన్ మరణించడం విచారకరం.