Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
బాలీవుడ్ నటి కన్నుమూత, అమితాబ్ తీవ్ర దిగ్భ్రాంతి.. శ్రీదేవి మరణం నుంచి..
శ్రీదేవి మరణ విషాదం నుంచి ఇంకా తేరుకోకముందే మరో సినీయర్ నటి తిరిగిరాని లోకాలకు వెళ్లిపోయింది. బాలీవుడ్లో తనదైన పాత్రలతో ప్రేక్షకులను మెప్పించిన షమ్మీ అంటీ మంగళవారం తుదిశ్వాస విడిచారు. ఆమె వయసు 87 సంవత్సరాలు. షమ్మీ మృతి నేపథ్యంలో అమితాబ్తో సహా పలువురు బాలీవుడ్ సినీ ప్రముఖులు తీవ్ర దిగ్భ్రాంతిని వ్యక్తం చేశారు.
18 ఏటనే సినీ పరిశ్రమలోకి
షమ్మీ అంటీ అసలు పేరు నర్గీస్ రబాది. తన మూడేళ్ల వయసులోనే తండ్రి మరణించాడు. తన 18వ ఏట ఉస్తాద్ పెద్రో అని చిత్రం ద్వారా బాలీవుడ్లోకి ప్రవేశించారు. దాదాపు 64 ఏళ్లపాటు చిత్ర పరిశ్రమకు సేవలందించారు.
ముఖేష్ చిత్రంలో సోలో హీరోయిన్గా
ప్రముఖ గాయకుడు ముఖేష్ నిర్మాతగా రూపొందించిన మల్హర్ చిత్రంలో తొలిసారి సోలో హీరోయిన్గా కనిపించారు. దురదృష్టవశాత్తూ ఆ చిత్రం బాక్సాఫీస్ వద్ద బోల్తా కొట్టడంతో అవకాశాలు ఆశించినంతగా రాలేదు. ఆ తర్వాత సినీ దిగ్గజం దిలీప్ కుమార్తో నటించిన సంగ్దిల్ చిత్రం భారీ విజయాన్ని సొంతం చేసుకోవడంతో ఆమె వెనకకు తిరిగి చూసుకోలేదు.
సినీ నిర్మాత, దర్శకుడితో వివాహం
ప్రముఖ నిర్మాత, దర్శకుడు సుల్తాన్ ఆహ్మద్ను వివాహం చేసుకొన్నారు. ఏడు సంవత్సరాల దాంపత్య జీవితం తర్వాత వ్యక్తిగత విభేదాల కారణంగా విడాకులు తీసుకొన్నారు.
నటించిన చిత్రాలు ఇవే
కూలీ నంబర్ 1, ఖుదాగవా, హమ్, అర్థ్, ది బర్నింగ్ ట్రైన్, షిరిన్ పర్హాద్ కి తో నికల్ పడి అనే చిత్రాల్లో షమ్మీ అంటీ నటించారు. దేఖ్ బాయ్ దేఖ్, జబాన్ కే, శ్రీమన్ శ్రీమతి, ఖభీ యే కభీ వో, ఫిల్మీ చక్కర్ టెలివిజన్ సీరియల్స్లో కూడా నటించారు.
అమితాబ్ తీవ్ర దిగ్భ్రాంతి
షమ్మీ అంటీ మృతిపై అమితాబ్ తీవ్ర దిగ్భ్రాంతిని వ్యక్తం చేశారు. షమ్మీ అంటీ అద్భుతమైన నటి. ఏన్నో ఏళ్లుగా పరిశ్రమకు అంకితమై సేవలందించారు. నాకు అత్యంత ఆప్తురాలు. తిరిగి రాని లోకాలకు వెళ్లిపోయారు. వృద్ధాప్య సంబంధిత వ్యాధులతో చాలా కాలంగా బాధపడుతున్నారు. ఆమె లేరనే వార్త నాలో విషాదాన్ని నింపింది అని అమితాబ్ ట్వీట్ చేశారు.