భార్య కోసం ఎవరైనా ఇలా చేస్తారా.. అనుష్క పుట్టినరోజు, కోహ్లీ ఏం చేశాడంటే!

కోహ్లీని వదలకుండా

అనుష్క, కోహ్లీ ప్రేమ మొదలయ్యాక నిత్యం వార్తల్లో నిలిచేవారు. అనుష్క కోహ్లీకి నీడలా ఉంటూ ప్రతి మ్యాచ్ ని స్టేడియంకు వెళ్లి చూసేది. కోహ్లీ బాగా ఆడుతుంటే అభిమానులతో పాటు కేరింతలు కొట్టేది. అనుష్క క్రికెట్ మ్యాచ్ లని స్టేడియంకు వెళ్లి చూడడంపై విమర్శలు కూడా వచ్చాయి. వివాహం తర్వాత కూడా అనుష్క వీలు చిక్కినప్పుడల్లా కోహ్లీ ఆటని ఆస్వాదిస్తోంది.

భార్య కోసం ఏం చేశాడంటే

బుధవారం అనుష్క 31వ పుట్టినరోజుని జరుపుకుంటోంది. ఈ బర్త్ డే అనుష్క లైఫ్ లో మెమొరబుల్ గా మిగిలిపోవాలని కోహ్లీ ప్లాన్ చేశాడట. బెంగుళూరు నగరంలో ఓ రెస్టారెంట్ మొత్తాన్ని బుక్ చేసినట్లు తెలుస్తోంది. ఒక రోజు మొత్తానికి ఆ రెస్టారెంట్ ని కోహ్లీ బుక్ చేసి అందంగా డెకరేట్ చేయించాడట. ఈ రోజు మొత్తం అనుష్క, కోహ్లీ మాత్రమే ఆ రెస్టారెంట్ లో ఉండనున్నట్లు తెలుస్తోంది. తన భార్య బర్త్ డే కానుకగా కోహ్లీ ఇలా రొమాంటిక్ డేట్ ని ప్లాన్ చేశాడు.

రహస్యంగా

కోహ్లీ, అనుష్క డిన్నర్ డేట్ కు వెళ్లబోయే రెస్టారెంట్ వివరాలని యాజమాన్యం రహస్యంగా ఉంచినట్లు తెలుస్తోంది. ఐపీఎల్ ముగిశాక కోహ్లీ వరల్డ్ కప్ సన్నాహకాలతో బిజీ అయిపోతాడు. అనుష్క కూడా తన సినిమాలతో బిజీ కానున్నట్లు తెలుస్తోంది. అనుష్క శర్మ గత ఏడాది సంజు, సూయి ధాగ లాంటి విజయవంతమైన చిత్రాల్లో నటించించింది. ఈ ఏడాది విడుదలైన జీరో చిత్రం మాత్రం నిరాశపరిచింది.

రూమర్లని కొట్టిపారేస్తూ

కొన్ని రోజుల క్రితం అనుష్క శర్మ గర్భవతి అంటూ వార్తలు వచ్చాయి. ఆ వార్తలని ఖండించిన అనుష్క ఘాటుగా స్పందించింది. మన జీవితంలో పెళ్లి, పిల్లలు లాంటి అంశాలని దాచిపెట్టలేం. కొన్ని కారణాల వలన నేను యంగ్ ఏజ్ లోనే వివాహం చేసుకున్నా. నా వ్యక్తిగత విషయాల గురించి చర్చించవద్దు. ఆ సమయం వచ్చినప్పుడు అన్ని విషయాలు ప్రపంచానికి తెలుస్తాయి అని అనుష్క క్లారిటీ ఇచ్చింది.