కంపెనీ నాటి ఫోటో.. విషెస్ చెప్పిన హీరో

రామ్ గోపాల్ వర్మ తెరకెక్కించిన కంపెనీ చిత్రం అప్పట్లో ఓ సంచలనం. అజయ్ దేవగణ్, వివేక్ ఒబెరాయ్ ప్రధాన పాత్రల్లో తెరకెక్కించిన ఈ చిత్రం బాలీవుడ్‌లో సెన్సేషన్ క్రియేట్ చేసింది. ఇప్పటికీ ఆ చిత్రం ప్రస్థావన ఎక్కడో ఓ చోట వస్తూనే ఉంటుంది. ఏదో ఒక సినిమాలో కంపెనీ ఛాయలు కనిపిస్తూనే ఉంటాయి. అంతలా ప్రభావం చేసిన ఈ చిత్రంలో చందు పాత్రను పోషించిన వివేక్ ఒబెరాయ్ మంచి గుర్తింపును తెచ్చుకున్నాడు.

నేడు అజయ్ దేవగణ్ పుట్టిన రోజ. సోషల్ మీడియాలో విషెస్ వెల్లువెత్తుతున్నాయి. బాలీవుడ్ ప్రముఖులు బర్త్ డే విషెస్ చెబుతూ ట్వీట్స్ చేస్తున్నారు. ఈ క్రమంలో ఆర్ఆర్ఆర్ టీమ్ కూడా ప్రత్యేకంగా శుభాకాంక్షలు తెలిపింది. తాజాగా వివేక్ ఒబేరాయ్ కూడా తనదైన స్టైల్లో బర్త్ డే విషెస్ తెలిపాడు.

కంపెనీ చిత్రంలోని ఓ పోస్టర్‌ను షేర్ చేస్తూ.. బాలీవుడ్ సింగం అజయ్ దేవగణ్‌కు పుట్టిన రోజు శుభాకాంక్షలు. వెండితెరపై ఆయన ఇంకా మ్యాజిక్ క్రియేట్ చేస్తూనే ఉండాలి.. మరింత శక్తి ఆయనకు చేకూరాలి.. నిన్ను ఎంతగానో ప్రేమించేవాడిని అంటూ నాటి ఫోటోను షేర్ చేశాడు.