బాహుబలిని తలదన్నే సినిమా.. ఔరంగజేబుగా రణ్‌వీర్.. బాలీవుడ్‌కు షాకిచ్చిన కరణ్..

మొగల్ చరిత్ర ఆధారంగా

మొగల్ చరిత్ర నేపథ్యంగా తఖ్త్ సినిమాను కరణ్ జోహార్ రూపొందించడం గమనార్హం. అయితే కరీనా, రణ్‌వీర్ కలిసి నటిస్తున్నారనే విషయం అభిమానుల్లో జోష్‌ను పెంచింది. కానీ ఈ చిత్రంలో రణ్‌వీర్‌కు కరీనా సోదరిగా నటిస్తున్నారట. రణ్‌వీర్ ఔరంగజేబ్‌గా నటిస్తున్నారు.

అక్కా తమ్ముళ్లుగా కరీనా, రణ్‌వీర్

బాలీవుడ్ పత్రిక కథనం ప్రకారం.. తఖ్త్ సినిమాలో రణ్‌వీర్, కరీనా అక్కా తమ్ముళ్లుగా నటిస్తున్నారు. మొగల్ సామ్రాజ్యానికి సంబంధించిన కథను తెరకెక్కిస్తున్నారు. మొగల్ సామ్రాజ్యానికి సంబంధించిన తొలి పౌరురాలు జాహనారా బేగంగా కరీనా కనిపించనున్నారట. జహనారా బేగం షాజాహాన్, ముంతాజ్ కూతురు జాహనారా బేగం అనే విషయం తెలిసిందే. ఆమె సోదరులే దారా షీఖో, ఔరంగ జేబ్.

అధికార పీఠం కోసం యుద్ధ:

తఖ్త్ చిత్రంలో కుటుంబ కలహాలు, అధికార పీఠం కోసం వెన్నుపోట్లు, ప్రేమ, విజయం లాంటి విభిన్నమైన, భావోద్వేగ అంశాలతో రూపొందనున్నది. ప్రేమ కోసం యుద్ధం చేయడమే తఖ్త్ చిత్ర కథ అని కరణ్ జోహర్ చెప్పారు.

2020లో విడుదల

తఖ్త్ చిత్రాన్ని స్వీయ నిర్మాణ సారథ్యంతోపాటు దర్శకత్వం కూడా కరణ్ జోహర్ వహిస్తున్నారు. బాహుబలి స్ఫూర్తితో ఈ చిత్రాన్ని భారీ స్థాయిలో రూపొందించేందుకు కథను సిద్దం చేసుకొన్నారట. ఈ చిత్రం 2020లో ప్రేక్షకుల ముందుకు రానున్నది.