Don't Miss!
- News వైసీపీకి బీఆర్ఎస్ గతే: గంటా శ్రీనివాసరావు సంచనల వ్యాఖ్యలు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
అమీర్ మూవీలో దక్షిణాది టాప్ కమెడియన్.. బాలీవుడ్ నుంచి పిలుపు.. లక్ అంటే అదీ
బాలీవుడ్లో మరో ప్రతిష్టాత్మకమైన మూవీకి రంగం సిద్ధమైంది. మిస్టర్ ఫర్ఫెక్ట్ అమీర్ ఖాన్ నటిస్తున్న లాల్ సింగ్ చద్దా అనే చిత్రం త్వరలోనే సెట్స్పైకి తీసుకెళ్లేందుకు ప్రయత్నాలు జరుగుతున్నాయి. ఓ వైపు ప్రీ ప్రొడక్షన్ పనుల్లో యూనిట్ బిజీగా ఉండగా, మరో పక్క ఈ సినిమాను అనేక ఊహాగానాలు చుట్టుముడుతున్నాయి. తాజాగా ఈ సినిమా కోసం దక్షిణాదికి టాప్ హీరోను తీసుకొంటారనే విషయం పక్కన పెడితే.. తాజాగా ఓ టాప్ కమెడియన్ను సంప్రదించారనే వార్త సౌత్ ఇండస్ట్రీలో సెన్సేషనల్గా మారింది. ఆ హీరో, కమెడియన్ ఎవరంటే..
అమీర్ ఖాన్ మూవీలో విజయ్ సేతుపతి
లాల్ సింగ్ చద్దా సినిమా గురించి కొద్ది రోజులుగా మీడియాలో సెన్సేషనల్ వార్తలు కనిపిస్తున్నాయి. టామ్ హంక్స్ తెరకెక్కించిన ఫారెస్ట్ గంప్ సినిమాను రీమేక్గా తీస్తూ రూపొందించిన ఈ చిత్రంలో సౌత్ స్టార్ విజయ్ సేతుపతి నటిస్తున్నారనే వార్త సంచలనం రేపింది. అయితే దానిపై ఏ మాత్రం క్లారిటీ రాలేదు. అంతలోనే మరో కమెడియన్ను ఈ ప్రాజెక్టులో చేరుతున్నారనే విషయం మరింత ఆసక్తిని పెంచింది.
Recommended Video
యోగి బాబుతో సంప్రదింపులు
దక్షిణాదిలో అత్యంత ప్రజాదరణ ఉన్న కమెడియన్లలో యోగిబాబు ఒకరు. కమెడియన్ గానే కాకుండా హీరోగా కూడా రాణిస్తున్నాడు. తాజాగా యోగిబాబును కూడా లాల్ సింగ్ చద్దాలో నటింప జేయాలని సినిమా వర్గాలు ప్రయత్నించారట. ఆ క్రమంలో మారి మధ్య చర్చలు కూడా జరిగాయని, త్వరలోనే అధికారికంగా ప్రకటించే అవకాశం ఉంది.
ఏ పాత్ర కోసం యోగిబాబు అంటే
ఫారెస్ట్ గంప్ సినిమాలో బుబ్బా అనే పాత్రకు అత్యంత ప్రాధాన్యం ఉంటుంది. వియత్నాం యుద్ధంలో పోరాటం చేస్తూ వీరమరణం పొందే పాత్ర కోసం యోగిబాబును అడిగినట్టు సినీ వర్గాల సమాచారం. సినిమాలో ఈ పాత్ర ఆద్యంతం వినోదాన్ని పండిస్తూ.. చివర్లో భావోద్వేగానికి గురిచేస్తుంది. ఈ పాత్రకు యోగిబాబు పేరును పరిశీలనకు రావడంపై సినీ వర్గాల్లో చర్చ జరుగుతున్నది.
దర్బార్, బిగిల్ చిత్రంలో
ప్రస్తుతం యోగిబాబు పలు ప్రాజెక్టులతో బిజీగా ఉన్నారు. తమిళ స్టార్ విజయ్ నటించిన బిగిల్ సినిమాలోనూ, అలాగే మురుగదాస్ దర్శకత్వంలో రజనీకాంత్ నటిస్తున్న దర్బార్ చిత్రంలో నటిస్తున్నాడు. ఇటీవల ఆయన హీరోగా నటించిన గూర్ఖా సినిమా రిలీజైన సంగతి తెలిసిందే.
కరీనా కపూర్ హీరోయిన్గా
ఇక ఆస్కార్ అవార్డు స్థాయి చిత్రం ఫారెస్ట్ గంప్ ఆధారంగా రూపొందుతున్న లాల్ సింగ్ చద్దాలో అమీర్ సరసన కరీనా కపూర్ హీరోయిన్గా నటిస్తున్నది. వివేక్ ముష్రాన్, మానవ్ గోహిల్ తదితరులు కీలక పాత్రలు పోషిస్తున్నారు. ఈ ప్రాజెక్టులో అమీర్ ఖాన్ కుమారుడు కూడా భాగస్వామ్యం అవుతున్నట్టు సమాచారం.