సోషల్ మీడియాలో అలాంటి ఫొటోలు.. దయచేసి తొలగించండి.. దంగల్ నటి ఆవేదన

ఆ సినిమాతో భారీ క్రేజ్..

దంగల్ సినిమాలో మెయిన్ లీడ్ చిన్నప్పటి క్యారెక్టర్ లో నటించిన జైరా వసీమ్ గురించి స్పెషల్ గా చెప్పనవసరం లేదు. స్టార్ హీరోయిన్స్ రేంజ్ లో క్రేజ్ అందుకుంది. దంగల్ సినిమా ప్రపంచ వ్యాప్తంగా రెండు వేల కోట్లకు పైగా వసూళ్లను అందుకున్న విషయం తెలిసిందే. ఆ తరువాత అమీర్ ఖాన్ నిర్మించిన సీక్రెట్ సూపర్ స్టార్ లో కూడా మెయిన్ లీడ్ లో నటించి బాక్సాఫీస్ హిట్ అందుకుంది జైరా.

నెగిటివ్ కామెంట్స్ ఎదుర్కోవాల్సి వచ్చింది

అసలు మ్యాటర్ లోకి వస్తే చాలా రోజుల తరువాత సోషల్ మీడియాలోకి వచ్చిన జైరా వసీమ్ ఒక ఎమోషనల్ పోస్ట్ తో తన అభిమానులను అభ్యర్ధించింది. దంగల్ సినిమా ఎప్పుడైతే హిట్ టాక్ తెచ్చుకుందో అప్పటి నుంచే జైరాకు ఒక స్పెషల్ ఫ్యాన్ ఫాలోయింగ్ ఏర్పడింది. అయితే ఆమె కొన్నిసార్లు చేసిన పనులకు మతపరమైన ఇబ్బందులు, నెగిటివ్ కామెంట్స్ కూడా ఎదుర్కోవాల్సి వచ్చింది.

నాకు సహాయం చేయండి

ఇక ఆమె ఈ విధంగా తెలిపింది. నాపై చూపిస్తున్న మీ అభిమానానికి చాలా కృతజ్ఞతలు. నాకెంతో సపోర్ట్ చేశారు. మీరు చూపించే అభిమానాన్ని దృష్టిలో ఉంచుకొని ఒక హెల్ప్ అడగాలని అనుకుంటున్నాను. అదేమిటంటే.. దయచేసి సోషల్ మీడియాలో ఉన్న నా ఫోటోలన్నిటిని డిలీట్ చేయాల్సిందిగా కోరుతున్నాను. ఫ్యాన్ పేజ్ లు క్రియేట్ చేసినవారికి కూడా ఈ విషయం తెలియాలి.. అని తెలిపింది.

ఒక కొత్త జీవితాన్ని స్టార్ట్ చేయాలని..

అయితే ఇంటర్నెట్ ప్రపంచంలో ఉన్న ఫోటోలన్నింటిని తొలగించడం సాధ్యం కాదు కాబట్టి ఇక నుంచి ఎవరు కూడా నా ఫొటోలను షేర్ చేయవద్దు. ఇప్పటివరకు ఎలాగైతే ప్రతి విషయంలో మద్దతు ఇచ్చారో ఈ విషయంలో కూడా అలానే సపోర్ట్ చేస్తారని అనుకుంటున్నాను. నా లైఫ్ లో ఒక కొత్త అధ్యాయాన్ని స్టార్ట్ చేయాలని అనుకుంటున్నాను మీరు చేసే సహాయం నాకు ఎంతగానో ఉపయోగపడుతుందని జైరా తనదైన శైలిలో వివరణ ఇచ్చింది.