మన సినిమాల్లో సెక్స్‌ తప్పుగా చూపిస్తూ వచ్చారు: మహిళ డైరెక్టర్ ఆవేదన

సినిమాల్లో అంతా అదే..

‘నేను చిన్నతనం నుంచి యంగ్ ఏజ్‌లోకి వచ్చే క్రమంలో హిందీ సినిమాలు చూసినపుడు అందులో కేవలం ఫిజికల్ అబ్యూస్ మాత్రమే కనిపించేది. రేప్ సీన్లు, వేధింపులు, దాడికి సంబంధించిన అంశాలే ఎక్కువగా ఉన్నాయి. అందరూ దాన్నే ఫాలో అవుతూ వచ్చారు. ఇద్దరి ఏకాభిప్రాయంతో జరిగే సెక్స్ మన సమాజం అంగీకరించినట్లు ఎక్కడా ఉండదు' అని జోయా అక్తర్ తెలిపారు.

అందువల్లే తప్పుడు సంకేతాలు

సినిమాల్లో అలాంటి సీన్లు చూస్తూ వచ్చిన మనం సెక్స్ మీద తప్పుడు అభిప్రాయం ఏర్పరుచుకున్నాం. అదొక తప్పుడు పని అనే అభిప్రాయం చాలా మందిలో ఏర్పడింది. ఇద్దరు వ్యక్తులు ముద్దు పెట్టుకోవడాన్ని కూడా సహించలేని పరిస్థితులు ఉన్నాయి. ఇలా మన సినిమాల్లో సెక్స్‌ను సమస్యాత్మకంగా చూపించడం వల్లే సమాజంలోకి తప్పుడు సంకేతాలు వెళ్లాయి అని జోయా అక్తర్ అభిప్రాయ పడ్డారు.

అర్థం చేసుకోవడానికి సమయం పట్టింది.

నేను చిన్నతనం నుంచి హార్డ్ కోర్ ఫెమినిస్టుగా పెరిగాను. నా పురుష స్నేహితులు, సినిమా ఇండస్ట్రీలోని నా సహచరులు, బయటి వ్యక్తులు చాలా మంది ఫెమినిస్టులే. కానీ ఈ సమాజంలోని పరిస్థితులను అర్థం చేసుకోవడానికి నాకు చాలా సమయం పట్టింది అని జోయా అక్తర్ తెలిపారు.

జోయా అక్తర్

ప్రముఖ బాలీవుడ్ రచయిత జావెద్ అక్తర్, నటి హనీ ఇరానీ కుమార్తె అయిన... జోయా అక్తర్ ఇటీవల రణవీర్-అలియా భట్ జంటగా రూపొందించిన ‘గల్లీ బాయ్'తో సూపర్ హిట్ అందుకున్నారు. ఇంతకు ముందు ఆమె లస్ట్ స్టోరీస్, మేడ్ ఇన్ హెవెన్ లాంటి వెబ్ సిరీస్‌లతో పాటు బాంబే టాకీస్, దిల్ దడఖ్నేదో లాంటి చిత్రాలను రూపొందించారు.