2.O వరల్డ్ వైడ్ వసూళ్లు: రజనీ క్రేజ్‌తో భారీగా కలెక్షన్లు.. 200 కోట్లవైపు పరుగు

200 కోట్లవైపు

2.O మూవీ ప్రపంచవ్యాప్తంగా రెండు రోజుల్లో రూ.145.63 కోట్లు సంపాదించింది. వీకెండ్ పూర్తయ్యే సరికి 200 కోట్ల క్లబ్‌లో చేరే అవకాశం ఉందని ట్రేడ్ వర్గాలు వెల్లడించాయి. అయితే రెండు రోజులుగా స్టడీగా ఉన్న కలెక్షన్ల చూస్తే వారంతంలో భారీగా పెరిగే ఛాన్స్ ఉందని పేర్కొంటున్నారు.

తమిళనాడులో రజనీ జోష్‌

తమిళనాడులో తొలి రోజే 2.O మూవీ వసూళ్ల పరంగా భారీగా ప్రభావం చూపించింది. తొలిరోజే ఈ చిత్రం రూ.18.2 కోట్లు సాధించింది. ఇక ఈ సినిమా రెండో రోజుల కలెక్షన్లు రూ.27 కోట్లకు చేరుకొంటుందని ట్రేడ్ వర్గాలు వెల్లడిస్తున్నాయి. వారాంతం ముగిసేటప్పటికీ రూ.50 కోట్లు దాటే అవకాశం కనిపిస్తున్నది.

600 కోట్ల‌తో తీస్తే ఆ ఓపెనింగ్సా? నిర్మాతకు 200 కోట్లు నష్టం.. అక్షయ్‌పై కమల్ ఖాన్ ఫైర్!

తెలుగు రాష్ట్రాల్లో క్రేజీగా వసూళ్లు

తమిళంలో కంటే తెలుగు రాష్ట్రాల్లో 2.O మూవీ దూసుకెళ్తున్నది. రెండు రోజుల్లో ఈ చిత్రం రూ.30 కోట్లు సాధించింది. వీకెండ్‌లో సినిమా హాల్స్ హౌస్‌పుల్‌‌తో నడుస్తున్నట్టు సినీ వర్గాలు వెల్లడిస్తున్నాయి. ఇదే ఊపు కొనసాగితే మరో రెండు రోజుల్లో రూ.50 కోట్ల క్లబ్‌లో చేరే అవకాశం ఉంది.

కన్నడ, మలయాళంలో

కర్ణాటక, కేరళలో 2.0 మూవీ భారీగా కలెక్షన్లు సాధిస్తున్నది. ఈ చిత్రాన్ని కర్టాటకలో తెలుగు, కన్నడ, తమిళ భాషల్లో విడుదల చేయగా తొలి రోజు రూ.8 కోట్లు సాధించింది. రెండో రోజు రూ.4 కోట్లు వసూలు చేసింది. కేరళ విషయానికి వస్తే ఈ చిత్రం రెండు రోజుల్లో రూ.6.10 కోట్లు సాధించింది.

ఉత్తరాదిలో తగ్గిన వసూళ్లు

ఉత్తరాదిలో 2.O మూవీ కలెక్షన్లు ఊహించినంతగా లేవని ట్రేడ్ గణాంకాలు వెల్లడిస్తున్నాయి. కాకపోతే ఆశాజనకంగాను ఉన్నట్టు వసూళ్లు వెల్లడిస్తున్నాయి. గత రెండు రోజుల్లో రూ.38 కోట్లు వసూలు చేసింది. దాంతో దేశవ్యాప్తంగా ఈ సినిమా రూ.112.63 కోట్లు వసూలు చేసినట్టయింది.

ఓవర్సీస్‌లో స్పందన ఇలా

2.O మూవీ ఓవర్సీస్ మార్కెట్‌లో పెద్దగా ప్రభావం చూపలేకపోయింది. అయితే వర్కింగ్ డే కావడం వల్ల అంతగా క్రేజ్ కనిపించడం లేదని పేర్కొంటున్నారు. ఈ చిత్రం గత రెండు రోజుల్లో సుమారు. 33 కోట్లు వసూలు చేసింది. వారాంతంలో భారీగా పెరిగే అవకాశం ఉంది.