2021లో అత్యధిక వ్యూస్ సాధించిన టాప్ 5 మూవీస్.. టాప్ వన్ లో నిలిచినా సినిమా ఏంటో తెలుసా?

వకీల్ సాబ్ - 47.67 మిలియన్ వ్యూస్

పవర్‌ స్టార్‌ పవన్‌ కళ్యాణ్ హీరోగా వకీల్‌ సాబ్ సినిమా ఏప్రిల్ 9న ప్రేక్షుకుల ముందుకు వచ్చింది. అయితే థియేటర్లలో కరోనా కారణంగా ఎక్కువ రోజులు ఆడ లేదు.రెండు వారాల పాటు సినిమా నడిచినా ఆ తర్వాత సెకండ్‌ వేవ్ కారణంగా థియేటర్లు మూసి వేయాల్సిన పరిస్థితి. దీంతో ఓటీటీ ద్వారా ప్రేక్షకుల ముందుకు తీసుకు వచ్చారు. అమెజాన్‌ ప్రైమ్ లో స్ట్రీమింగ్‌ అయిన వకీల్‌ సాబ్‌ సినిమా కు మంచి రెస్పాన్స్ వచ్చింది. ఇక ఈ సినిమా ట్రైలర్ ఈ ఏడాది మొత్తానికి టాప్ లో నిలిచింది. ఈ ఆర్టికల్ రాసేనాటికి మొత్తం 47.67 మిలియన్ వ్యూస్ సాధించింది.

ఆర్ ఆర్ ఆర్ - 35 మిలియన్ వ్యూస్

రాజమౌళి దర్శకత్వం వహిస్తున్న ఆర్‌.ఆర్‌.ఆర్‌ చిత్రం కోసం యావత్‌ ప్రపంచ సినీ ప్రేమికులు వేయి కళ్లతో ఎదురుచూస్తున్నారు. దేశంలోని దాదాపు అన్ని భాషలతో పాటు ఇతర దేశాల్లోనూ ఈ సినిమా జనవరి 7న విడుదల కానుంది. రామ్‌ చరణ్‌, ఎన్టీఆర్‌లు మునుపెన్నడూ కనిపించని పాత్రల్లో నటిస్తుండడం, జక్కన్న అత్యంత ప్రతిష్టాత్మకంగా ఈ సినిమాను తెరకెక్కిస్తుండడంతో అందరిలోనూ ఈ సినిమాపై ఆసక్తి పెరిగిపోయింది. ఇక తాజాగా చిత్ర యూనిట్‌ విడుదల చేసిన ఈ సినిమా ట్రైలర్‌ ఒక్కసారిగా అంచనాలను ఆకాశాన్ని పెంచేశాయి. అలా ఈ సినిమా ట్రైలర్ ఈ ఏడాది మొత్తానికి టాప్ 2గా నిలిచింది. ఈ ఆర్టికల్ రాసేనాటికి మొత్తం 35 మిలియన్ వ్యూస్ సాధించింది.

అఖండ - 31.45 మిలియన్ వ్యూస్

నందమూరి నట సింహం బాలకృష్ణ ప్రధాన పాత్రలో మాస్ డైరెక్టర్ బోయపాటి శ్రీను దర్శకత్వంలో ఎంతో ప్రతిష్టాత్మకంగా రిలీజైన యాక్షన్ ఫిల్మ్ అఖండ. డిసెంబర్ 2న విడుదలైన ఈ సినిమాలో ప్రగ్యా జైస్వాల్ హీరోయిన్‌గా, జగపతిబాబు, శ్రీకాంత్‌, పూర్ణ కీలక పాత్రలో నటించగా తమన్ సంగీతం అందించారు. ఈ సినిమా ట్రైలర్‌ ఓ రేంజ్‌లో ఉందని చెప్పోచ్చు.. బాలయ్య డైలాగ్స్‌తోడు మేకోవర్ అదిరిపోయింది. దీంతో నెటిజన్స్ తెగ ఎంజాయ్ చేశారు. ఈ క్రమంలో సినిమా ట్రైలర్ ఈ ఏడాది మొత్తానికి టాప్ 3గా నిలిచింది. ఈ ఆర్టికల్ రాసేనాటికి మొత్తం 31.45 మిలియన్ వ్యూస్ సాధించింది.

పుష్ప - 31.40 మిలియన్ వ్యూస్

సుకుమార్ దర్శకత్వంలో బన్నీ నటిస్తున్న పుష్ప సినిమా డిసెంబర్ 17న ప్రేక్షకుల ముందుకు వచ్చింది. శేషాచలం అడవుల నేపథ్యంలో తెరకెక్కుతున్న ఈ సినిమాలో రష్మిక హీరోయిన్ గా నటిస్తుంది. ఎర్ర చందనం స్మగ్లింగ్ నేపథ్యంలో తెరకెక్కుతున్న పుష్ప లో అల్లు అర్జున్ లారీ డ్రైవర్‌గా కనిపించనున్నాడు. ఈ సినిమా ట్రైలర్ ఆ అంచనాలను తారాస్థాయికి చేర్చింది. ఈ క్రమంలో సినిమా ట్రైలర్ ఈ ఏడాది మొత్తానికి టాప్ 4గా నిలిచింది. ఈ ఆర్టికల్ రాసేనాటికి మొత్తం 31.40 మిలియన్ వ్యూస్ సాధించింది.

ఉప్పెన - 29.81 మిలియన్ వ్యూస్

సాయిధ‌ర‌మ్ తేజ్ సోద‌రుడు వైష్ణ‌వ్ తేజ్ హీరోగా ఎంట్రీ ఇచ్చిన చిత్రం ఉప్పెన‌. బుచ్చిబాబు సాన దర్శకత్వంలో ఈ సినిమా ఫిబ్రవరి 12న విడుదల అయింది. ఈ సినిమాలో మంగ‌ళూరు బ్యూటీ కృతిశెట్టి హీరోయిన్‌గా నటించగా సినిమా మొత్తం సూపర్ హిట్ టాక్ తెచ్చుకుంది. ఉప్పెన ట్రైలర్‌ను ఎన్టీఆర్‌ విడుదల చేయగా సూపర్ రెస్పాన్స్ తెచ్చుకుంది. ఈ క్రమంలో సినిమా ట్రైలర్ ఈ ఏడాది మొత్తానికి టాప్ 5గా నిలిచింది. ఈ ఆర్టికల్ రాసేనాటికి మొత్తం 29.81 మిలియన్ వ్యూస్ సాధించింది.