Acharya ఎఫెక్ట్.. డైరెక్టర్ కొరటాల శివకు మరో తలనొప్పి.. ఆఫీస్ ఎదుట బయ్యర్ల ఆందోళన!

ఆచార్య తో..

వలస విజయాలతో టాలీవుడ్ చిత్ర పరిశ్రమలో మంచి కమర్షియల్ దర్శకుడిగా గుర్తింపును అందుకున్న కొరటాల శివ ఆచార్య ముందు వరకు కూడా ప్రతి సినిమాతో నిర్మాతలకు మంచి లాభాలను అందించాడు. అంతేకాకుండా డిస్ట్రిబ్యూటర్స్ కూడా అతని ద్వారా మంచి లాభాలను అందుకున్నారు. అయితే ఆచార్య సినిమాకు వచ్చేసరికి ఆయన అంచనాలు ఒక్కసారిగా తారుమారయ్యాయి.

ఆ విషయంలో కొరటాల శివ

కొరటాల శివ సాధారణంగా తన ప్రతి సినిమాకు కూడా సినిమా బిజినెస్ విషయంలో కూడా ప్రత్యేకంగా నిర్ణయాలు తీసుకుంటారు అని ఒక టాక్ అయితే ఇండస్ట్రీలో వినిపిస్తూ ఉంటుంది. ప్రత్యేకంగా పంపిణీదారులతో మాట్లాడి ఆయనే ప్రీ బిజినెస్ విషయంలో కూడా చర్చలు జరుపుతారు అని సమాచారం.. చాలా సందర్భాల్లో ఆయన మిత్రులకు కూడా తన సినిమాల ద్వారా లాభాలు వచ్చే విధంగా కొరటాల శివ సహాయపడ్డారు.

తీవ్రంగా నష్టాలు

ఆచార్య సినిమా విడుదలైన తర్వాత మాత్రం ఊహించని విధంగా దారుణమైన ఫలితాన్ని అందుకుంది. అసలు ఏ మాత్రం కలెక్షన్స్ అందుకోలేకపోయింది. దాదాపు 70 కోట్ల వరకు నష్టాలు మిగిల్చింది అని టాక్ వచ్చిన విషయం తెలిసిందే. పెట్టిన పెట్టుబడిలో సగానికి సగం కూడా వెనక్కి రాకపోవడంతో సినిమాను నమ్ముకున్న బయ్యర్లు అందరూ కూడా తీవ్రంగా నష్టపోవాల్సి వచ్చింది.

ఇదివరకే మెగాస్టార్ సహాయం

ఆచార్య సినిమాకు పెద్దగా పారితోషికం తీసుకోకుండానే హీరోలు అలాగే దర్శకుడు సినిమాకు పని చేసినట్లు నిర్మాత ఆ మధ్య క్లారిటీ ఇచ్చిన విషయం తెలిసిందే. అయితే భారీ స్థాయిలో నష్టపోయిన కొంతమంది ఎగ్జిబిటర్స్ కు ఇదివరకే మెగాస్టార్ చిరంజీవి కొంత నష్టాలను పూరించే విధంగా సహాయపడినట్లు కూడా టాక్ వచ్చింది.

కొరటాల ఆఫీస్ దగ్గర ఆందోళన?

అయితే కొరటాల శివ పై మరికొంతమంది తీవ్రంగా ఒత్తిడి చేస్తున్నట్లుగా తెలుస్తోంది. సీడెడ్ బయ్యర్, సెకండరీ బయ్యర్లు గత రాత్రి నుంచి కొరటాల శివ ఆఫీసు దగ్గర బైఠాయించినట్లు సమాచారం. 15 కోట్ల నష్టానికి ఎంత వెనక్కు ఇస్తారో ఇప్పుడే తేల్చాలని లేదంటే మెగస్టార్ చిరంజీవి దగ్గరే తేల్చుకుంటామని కూడా హెచ్చరిక చేసినట్లు తెలుస్తోంది.

కొరటాల రియాక్షన్?

అయితే ఈ విషయంలో ఇంకా కొరటాల శివ నుంచి ఎలాంటి క్లారిటీ అయితే రాలేదు. కానీ అందరికి సహాయ పడే విధంగా కొరటాల శివ ఒక ఆలోచనకు వచ్చినట్లుగా తెలుస్తోంది. తన ప్రతి సినిమాకు కూడా అందరికీ లాభం చేకూర్చే విధంగా ఆలోచించే కొరటాల శివ ఇప్పుడు ఆర్థిక విషయాల్లో కొత్త తరహా తలనొప్పులు ఎదుర్కొంటున్నారు. మరి ఈ విషయంలో కొరటాల నుండి ఎలాంటి వివరణ వస్తుందో చూడాలి.