Don't Miss!
- Sports IPL 2024: అప్పుడు కావ్య పాపను చూసి నవ్వుకున్నారు.. ఇప్పుడు ఆమె నవ్వుతోంది!
- Technology యూట్యూబ్కు పోటీగా TV యాప్.. ఫీచర్లు, అల్గారిథమ్ పైన X సీఈవో ఏమన్నారంటే.. ?
- Lifestyle టాక్సిక్ రిలేషన్షిప్లో ఉన్నారనడానికి ఇవే సంకేతాలు.. ?
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
Thunivu Collection: నెమ్మదిగా అజిత్ బ్యాంక్ దొంగతనం.. 8వ రోజు కలెక్షన్స్ ఎంతంటే?
తమిళ స్టార్ హీరో అజిత్ తన యాక్షన్ స్టంట్స్ తో అదరగొడుతుంటాడు. దాదాపుగా రియల్ స్టంట్స్ చేస్తూ అభిమానులుక ఐ ఫీస్ట్ ఇస్తుంటాడు. తలా అజిత్ ఇటీవల నేర్కొండ పార్వై (హిందీ పింక్ రీమేక్), వలిమై చిత్రాలతో అభిమానులను పలకరించాడు. ఈ సినిమాకు హెచ్ వినోద్ దర్శకత్వం వహించారు. అయితే ఇప్పుడు ముచ్చటగా మూడోసారి హెచ్ వినోద్ దర్శకత్వంలో అజిత్ నటించిన లేటెస్ట్ సినిమా తునివు. తెలుగులో తెగింపు అనే టైటిల్ తో విడుదల చేశారు. సంక్రాంతి కానుకగా జనవరి 11న వరల్డ్ వైడ్ గా రిలీజ్ అయిన ఈ సినిమా బాక్సాఫీస్ కలెక్షన్స్ 8వ రోజు ఎలా ఉన్నాయో చూద్దామా!
ముగ్గురి కాంబినేషన్ లో..
కోలీవుడ్ స్టార్ హీరో అజిత్ తెలుగులో కూడా కొంతమేర అభిమానులను సంపాదించుకున్నాడు. అందుకే ఆయన సినిమాలు తెలుగులోనూ అప్పుడ్పుడు విడుదలై సందడి చేస్తుంటాయి. ఈ క్రమంలోనే అజిత్ నటించిన లేటెస్ట్ మూవీ తెగింపు. గత రెండు చిత్రాలకు నిర్మాతగా వ్యవహరించిన బోనీ కపూర్ ఈ సినిమాకు కూడా నిర్మాత బాధ్యతలు చేపట్టారు. అజిత్-వినోద్-బోనీ కపూర్ కాంబినేషన్ లో వరుసగా వచ్చిన మూడో చిత్రమే తెగింపు.
ప్రీ రిలీజ్ బిజినెస్ వివరాలు..
తెగింపు సినిమాకు తలా అజిత్ కు ఉన్న మార్కెట్ దృష్ట్యా ప్రీరిలీజ్ బిజినెస్ జరిగింది. తెలుగు రాష్ట్రాల్లో రూ. 3.20 కోట్లు, తమిళనాడులో రూ. 58 కోట్లు, కర్ణాటక రాష్ట్రంలో రూ. 3.60 కోట్లు, కేరళలో రూ. 2.50 కోట్లు, రెస్టాఫ్ ఇండియాలో రూ. 1.70 కోట్లు, ఓవర్సీస్ రూ. 15 కోట్లు కాగా ప్రపంచవ్యాప్తంగా మొత్తం రూ. 84 కోట్ల ప్రీ రిలీజ్ బిజినెస్ చేసినట్లు ట్రేడ్ వర్గాలు చెబుతున్నాయి. దీంతో తెగింపు చిత్రం బ్రేక్ ఈవెన్ టార్గెట్ ను సాధించాలంటే రూ. 85 కోట్ల కలెక్షన్స్ రాబట్టాలి.
8వ రోజు ఏపీ, తెలంగాణలో వసూళ్లు..
జీబ్రాన్ తన మ్యూజిక్ తో మ్యాజిక్ చేసిన చిత్రం తునివు. తెలుగులో డబ్బింగ్ చిత్రంగా తెగింపు టైటిల్ తో విడుదలైన ఈ చిత్రానికి కలెక్షన్లు పర్వాలేదనిపిస్తోంది. అజిత్ తెగింపు చిత్రం 8వ రోజు తెలుగు రాష్ట్రాల్లో నైజాం, సీడెడ్, ఉత్తరాంధ్ర, ఈస్ట్ గోదావరి, వెస్ట్ గోదావరి, గుంటూరు, కృష్ణా, నెల్లూరు ఇలా అన్ని ఏరియాల్లో కలిపి రూ. 12 లక్షలు వసూలు చేసింది. ఇక 8 రోజుల్లో నైజాంలో రూ. 1.65 కోట్లు, సీడెడ్ రూ. 47 లక్షలు, ఆంధ్రప్రదేశ్ మొత్తం రూ. 1.66 కోట్లు కలెక్ట్ చేసింది. ఇక 8 రోజుల్లో ఏపీ తెలంగాణలో రూ. 3.78 కోట్లు గ్రాస్ గా, రూ. 1.93 కోట్లు షేర్ నమోదైంది.
8 రోజుల్లో ప్రపంచవ్యాప్తంగా..
కోలీవుడ్ స్టార్ నటి మంజు వారియర్ యాక్షన్ సీక్వెన్స్ తో అలరించిన తెగింపు చిత్రానికి ప్రపంచవ్యాప్తంగా టాక్ బాగానే ఉంటోంది. ఫలితంగా ఎనిమిది రోజుల్లో తెలుగు రాష్ట్రాల్లో రూ. 3.78 కోట్లు, తమిళనాడులో రూ. 88.40 కోట్లు, కర్ణాటకలో రూ. 11.25 కోట్లు, కేరళ రాష్ట్రంలో రూ. 3.55 కోట్లు కలెక్ట్ చేయగా.. రెస్టాఫ్ ఇండియాలో రూ. 1.80 కోట్లు, ఓవర్సీస్ లో రూ. 47.24 కోట్లు కలెక్షన్స్ సాధించింది. ఇలా ప్రపంచవ్యాప్తంగా రూ. 156.02 కోట్లు గ్రాస్, రూ. 81.13 కోట్ల షేర్ వసూళ్లు రాబట్టింది.
ఇంకెంత రావాలంటే..
అజిత్-హెచ్ వినోద్ కాంబినేషన్ లో మూడోసారి విడుదలైన తునివు సినిమా హ్యాట్రిక్ గా నిలిచింది. ఇక ఈ సినిమా ప్రపంచవ్యాప్తంగా రూ. 84 కోట్లు మేర బిజినెస్ చేసినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 85 కోట్లుగా ఫిక్స్ అయింది. అజిత్ తునివు చిత్రం 8 రోజుల్లో ప్రపంచవ్యాప్తంగా రూ. 81.13 కోట్లు వసూళు చేసింది. కాబట్టి, ఇంకా రూ. 3.87 కోట్లు వస్తే ఈ సినిమా క్లీన్ హిట్ గా నిలుస్తుంది.
తెలుగు రాష్ట్రాల్లో మాత్రం..
మాస్ యాక్షన్ స్టంట్స్, బైక్ చేజింగ్స్ తో ఆద్యంతం అలరించే కోలీవుడ్ స్టార్ హీరో తలా అజిత్ నటించిన లేటెస్ట్ మూవీ తెగింపుకు తెలుగు రాష్ట్రాల్లో రూ. 3.20 కోట్లు బిజినెస్ జరిగింది. దీంతో రూ. 3.50 కోట్లుగా బ్రేక్ ఈవెన్ టార్గెట్ నమోదైంది. ఈ సినిమా ఆంధ్రప్రదేశ్, తెలంగాణలో ఎనిమిది రోజుల్లో రూ. 1.93 కోట్లు కొల్లగొట్టగా.. మరో రూ. 1.57 కోట్లు వసూళ్లు రాబట్టగలిగితే ఇక్కడ కూడా క్లీన్ హిట్ స్టేటస్ సొంతం చేసుకునే అవకాశం ఉంది. అంటే బ్యాంక్ రాబరీ నేపథ్యంలో వచ్చిన ఈ సినిమా స్లోగా కలెక్షన్స్ రాబడుతోందని తెలుస్తోంది.