Thunivu Collection: అజిత్ కి పెద్ద దెబ్బ.. భారీగా డౌన్ అవుతున్న వసూళ్లు.. హిట్ కు ఎంత రావాలంటే?

మనీ హీస్ట్ తరహాలో..

యాక్షన్ డ్రామాగా వచ్చిన తలా అజిత్ తాజా సినిమా తెగింపులో ఫీమెల్ లీడ్ గా మంజు వారియల్ నటించగా సముద్ర ఖని, వీర, జాన్ కొక్కెన్, అజయ్, సీబీ చంద్రన్ తదితరులు కీలక పాత్రలు పోషించారు. జనవరి 11న విడుదలైన ఈ సినిమా మొదట్లో పాజిటివ్ టాక్ తెచ్చుకోలేదు. కానీ తర్వాత క్రమంగా వసూళ్ల పరంపర కొనసాగిస్తోంది. మనీ హీస్ట్ వంటి బ్యాంక్ రాబరీ కాన్సెప్ట్ తో వచ్చిన ఈ సినిమాకు జిబ్రాన్ సంగీతం సమకూర్చారు.

ప్రీ రిలీజ్ బిజినెస్ వివరాలు..

తలా అజిత్ లేటెస్ట్ మూవీ తెగింపుకు అతనికి ఉన్న మార్కెక్ట్ ను బట్టే ప్రీరిలీజ్ బిజినెస్ జరిగింది. తెలుగు రాష్ట్రాల్లో రూ. 3.20 కోట్లు, తమిళనాడులో రూ. 58 కోట్లు, కర్ణాటక రాష్ట్రంలో రూ. 3.60 కోట్లు, కేరళలో రూ. 2.50 కోట్లు, రెస్టాఫ్ ఇండియాలో రూ. 1.70 కోట్లు, ఓవర్సీస్ రూ. 15 కోట్లు కాగా ప్రపంచవ్యాప్తంగా మొత్తం రూ. 84 కోట్ల ప్రీ రిలీజ్ బిజినెస్ చేసినట్లు ట్రేడ్ వర్గాలు చెబుతున్నాయి. దీంతో తెగింపు చిత్రం బ్రేక్ ఈవెన్ టార్గెట్ ను సాధించాలంటే రూ. 85 కోట్లు రాబట్టాలి.

తెలుగు రాష్ట్రాల్లో కలెక్షన్స్..

అజిత్ మరోసారి తన యాక్షన్ తో అదరగొట్టన చిత్రం తునివు. తెలుగులో డబ్బింగ్ చిత్రంగా తెగింపు టైటిల్ తో విడుదలైన ఈ సినిమాకు కలెక్షన్లు పర్వాలేదనిపిస్తోంది. అజిత్ తెగింపు చిత్రం 9వ రోజు తెలుగు రాష్ట్రాల్లో నైజాం, సీడెడ్, ఉత్తరాంధ్ర, ఈస్ట్ గోదావరి, వెస్ట్ గోదావరి, గుంటూరు, కృష్ణా, నెల్లూరు ఇలా అన్ని ఏరియాల్లో కలిపి రూ. 8 లక్షలు వసూలు చేసింది. ఇక 9 రోజుల్లో నైజాంలో రూ. 1.68 కోట్లు, సీడెడ్ రూ. 48 లక్షలు, ఆంధ్రప్రదేశ్ మొత్తం రూ. 1.68 కోట్లు కలెక్ట్ చేసింది. మొత్తం తొమ్మిది రోజుల్లో ఏపీ తెలంగాణలో రూ. 3.86 కోట్లు గ్రాస్ గా, రూ. 1.97 కోట్లు షేర్ నమోదైంది.

9 రోజుల్లో వరల్డ్ వైడ్ గా వచ్చింది..

మంజు వారియర్ ఎన్నడూ చేయని విధంగా యాక్షన్ సీక్వెన్స్ లో కనిపించిన తలా అజిత్ తెగింపు చిత్రానికి ప్రపంచవ్యాప్తంగా మంచి టాక్ వస్తోంది. ఫలితంగా 9 రోజుల్లో తెలుగు రాష్ట్రాల్లో రూ. 3.86 కోట్లు, తమిళనాడులో రూ. 90.75 కోట్లు, కర్ణాటకలో రూ. 11.55 కోట్లు, కేరళ రాష్ట్రంలో రూ. 3.60 కోట్లు కలెక్ట్ చేయగా.. రెస్టాఫ్ ఇండియాలో రూ. 1.85 కోట్లు, ఓవర్సీస్ లో రూ. 48.15 కోట్లు కలెక్షన్స్ సాధించింది. దీంతో వరల్డ్ వైడ్ గా రూ. 159.76 కోట్లు గ్రాస్, రూ. 83.03 కోట్ల షేర్ కలెక్ట్ చేసింది ఈ చిత్రం.

ఇంకెంత రావాలంటే..

అజిత్-హెచ్ వినోద్ కాంబినేషన్ లో మూడోసారి విడుదలైన తెగింపు సినిమా హ్యాట్రిక్ గా నిలిచింది. ఇక ఈ సినిమా ప్రపంచవ్యాప్తంగా రూ. 84 కోట్లు మేర బిజినెస్ చేసినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 85 కోట్లుగా ఫిక్స్ అయింది. అజిత్ తునివు చిత్రం 9 రోజుల్లో వరల్డ్ వైడ్ గా రూ. 83.03 కోట్లు వసూళు చేసింది. కాబట్టి.. రూ. 1.97 కోట్లు వస్తే ఈ సినిమా క్లీన్ హిట్ గా నిలుస్తుంది.

తెలుగు రాష్ట్రాల్లో క్లీన్ హిట్ కోసం..

తన మాస్ యాక్షన్ స్టంట్స్ తో ఆద్యంతం అలరించే కోలీవుడ్ స్టార్ హీరో తలా అజిత్ నటించిన లేటెస్ట్ సినిమా తెగింపుకు తెలుగు రాష్ట్రాల్లో రూ. 3.20 కోట్లు బిజినెస్ జరిగింది. దీంతో రూ. 3.50 కోట్లుగా బ్రేక్ ఈవెన్ టార్గెట్ నమోదైంది. ఈ సినిమా ఆంధ్రప్రదేశ్, తెలంగాణలో 9 రోజుల్లో రూ. 1.97 కోట్లు కొల్లగొట్టగా.. మరో రూ. 1.53 కోట్లు వసూళ్లు సాధిస్తే ఇక్కడ కూడా క్లీన్ హిట్ స్టేటస్ సొంతం చేసుకోనుంది.