'మిస్టర్ మజ్ను' వీకెండ్ కలెక్షన్స్.. ఇంకా సగానికిపైగా, సేవ్ అయ్యే ఛాన్స్ ఉందా!

తొలిరోజు నుంచి అదే పరిస్థితి

అఖిల్ నటించిన తొలి రెండు చిత్రాలు అఖిల్, హలో నిరాశపరిచినప్పటికీ ఆ చిత్రాలకు ఫస్ట్ డే ఓపెనింగ్స్ బాగానే వచ్చాయి. కానీ మిస్టర్ మజ్ను చిత్రం ఓపెనింగ్స్ విషయంలో నిరాశపరిచింది. ప్రపంచ వ్యాప్తంగా మిస్టర్ మజ్ను చిత్రం తొలి రోజు 4.35 కోట్ల షేర్ మాత్రమే రాబట్టింది. వీకెండ్ డేస్ శని, ఆదివారాల్లో కూడా మిస్టర్ మజ్ను చిత్రానికి ఇదే పరిస్థితి కొనసాగింది.

మూడురోజుల వసూళ్లు

మిస్టర్ మజ్ను చిత్రం మూడు రోజుల్లో 9.65 కోట్ల షేర్ రాబట్టింది. గ్రాస్ విలువ 16 కోట్ల వరకు చేరింది. నైజాంలో మిస్టర్ మజ్ను చిత్రం అత్యధికంగా 3 కోట్ల షేర్ సాధించింది. ఇక్కడ 6 కోట్ల వరకు ప్రీరిలీజ్ బిజినెస్ జరిగింది. దీనితో డిస్ట్రిబ్యూటర్ ఏ మేరకు సేవ్ అవుతాడనేది ఆసక్తిగా మారింది. వైజాగ్ లో 98 లక్షలు, ఈస్ట్ గోదావరిలో 50 లక్షలు, వెస్ట్ లో 39 లక్షలు, కృష్ణాలో 60 లక్షల షేర్ ని మిస్టర్ మజ్ను చిత్రం సాధించింది. సీడెడ్ లో 1.18 కోట్ల షేర్ రాబట్టింది.

ఆయన గాడ్ ఫాదర్‌లా నడిపించారు.. నేను న్యాయం చేశాను.. అఖిల్

సగానికి పైగా

మిస్టర్ మజ్ను చిత్రానికి జరిగిన ప్రీరిలీజ్ బిజినెస్ వాల్యూ 24 కోట్లు. అంటే ఈ చిత్ర బయ్యర్లు సేఫ్ జోన్ లోకి వెళ్లాలంటే ఇంకా సగానికిపైగా వసూళ్లు రాబట్టాల్సి ఉంటుంది. ఈ చిత్రానికి వస్తున్న డివైడ్ టాక్ నేపథ్యంలో మిస్టర్ మజ్ను చిత్ర వాసులు వీక్ డేస్ లో స్టడీగా కొనసాగుతాయా లేదా అనే ఉత్కంఠ నెలకొంది. వీక్ డేస్ లో వసూళ్లు తగ్గితే బయ్యర్లు ఎంతోకొంత నష్టపోక తప్పని పరిస్థితి ఏర్పడుతుంది.

ప్రచార కార్యక్రమాల్లో

సినిమాపై ఆసక్తిని పెంచనేదుకు అఖిల్, వెంకీ అట్లూరి, ఇతర చిత్ర యూనిట్ పోస్ట్ రిలీజ్ ప్రమోషన్స్ లో కూడా పాల్గొంటున్నారు. ఈ చిత్రంలో అఖిల్ సరసన నిధి అగర్వాల్ హీరోయిన్ గా నటించింది. తమన్ అందించిన సంగీతానికి మంచి రెస్పాన్స్ వస్తోంది. గత మూడు చిత్రాలుగా అఖిల్ బ్లాక్ బస్టర్ విజయాన్ని అందుకోవడానికి గట్టిగా ప్రయత్నిస్తున్నాడు. కానీ అఖిల్ కోరికని తీర్చే చిత్రం ఇంకా రాలేదు.