బాక్సాఫీస్‌పై కేసరి గాండ్రింపు .. 100 కోట్ల కాసుల వర్షం.. అక్షయ్ హ్యాట్రిక్

ఐపీఎల్‌ టోర్ని పోటీని తట్టుకొని

కేసరి చిత్రం రెండో వారాంతంలో సినిమాలకు అగ్నిపరీక్షగా నిలిచే సోమవారం ఓ మోస్తారు కలెక్షన్లను సాధించింది. సోమవారం రూ.8.25 కోట్లు, మంగళవారం రూ.7.17 కోట్లు రాబట్టింది. ఉత్తరాదిలో ఈ చిత్రం నిలకడగా వసూళ్లు రాబట్టడం గమనార్హం.

ఉత్తరాదిలో బలంగానే

ఉత్తరాదిలో కేసరి చిత్రం బలంగానే కనిపిస్తున్నది. బుధ, గురువారాల్లో ఈ చిత్రం రూ.100 కోట్ల క్లబ్‌లో చేరడం ఖాయం. గత గురువారం ఈ చిత్రం రూ.21.06, శుక్రవారం రూ.16.75 కోట్లు, శనివారం రూ.18.75 కోట్లు, ఆదివారం రూ.21.51 కోట్లు, సోమవారం రూ.8.25 కోట్లు, మంగళవారం రూ.7.17 కోట్లు వసూలు చేసింది. ఇప్పటి వరకు ఈ చిత్రం రూ.93.49 కోట్లు కలెక్ట్ చేసింది అని ట్రేడ్ అనలిస్టు తరణ్ ఆదర్శ్ ట్వీట్ చేశారు.

కేసరి సినిమా కథ ఇదే..

అఫ్ఘనిస్థాన్‌లో 1897లో జరిగిన సారాగర్హి యుద్దం నేపథ్యంగా కేసరి చిత్రం రూపొందింది. 10 వేల మంది అఫ్ఘన్ వేర్పాటు వాదులతో 21 మంది భారతీయ సైనికులు జరిపిన పోరాటాన్ని తెరకెక్కించారు. అనురాగ్ సింగ్ దర్శకత్వం వహించగా, కరణ్ జోహర్ నిర్మించారు.

అక్షయ్ కుమార్ హ్యాట్రిక్

అక్షయ్ కుమార్ నటించిన కేసరి చిత్రం రూ.100 క్లబ్‌లో చేరితో ఓ అరుదైన ఘనతను సొంతం చేసుకొంటారు. వరుసగా మూడుసార్లు వంద కోట్ల క్లబ్‌లో చేరిన బాలీవుడ్ హీరోగా అక్షయ్ ఓ రికార్డును క్రియేట్ చేయనున్నారు. గతంలో ఆయన నటించిన గోల్డ్, 2.0 చిత్రాలు రూ.100 కోట్లు వసూలు చేసిన సంగతి తెలిసిందే.