నా పేరు సూర్య కలెక్షన్స్: 5 రోజుల పరిస్థితి ఇది.. ఎదురీదుతూనే!

| Published: Wednesday, May 9, 2018, 11:36 [IST]

అల్లు అర్జున్ నటించిన నా పేరు సూర్య చిత్రం ఇటీవల విడుదలయింది. కొన్ని వర్గాల ప్రేక్షకుల నుంచి ఈ చిత్రానికి మిశ్రమ స్పందన లభించింది. డివైడ్ టాక్ తోనే ఈ చిత్రం తొలి వీకెండ్ లో మంచి వసూళ్ళని రాబట్టింది. సోమవారం నుంచి ఈ చిత్రం కలెక్షన్ల కొంత డ్రాప్ అయినట్లు తెలుస్తోంది. రచయిత వక్కంతం వంశీ దర్శకుడిగా మారి చేసిన తొలి చిత్రం ఇది. దేశభక్తి కథాంశంతో వచ్చిన ఈ చిత్రంలో అల్లు అర్జున్ ఆర్మీ మాన్ గా కనిపించాడు. బన్నీ అద్భుతమైన పెర్ఫామెన్స్ చేసాడనే ప్రశంసలు దక్కాయి. ఇదిలా ఉండగా నా పేరు సూర్య ఐదు రోజుల కలెక్షన్స్ వివరాలు ఇలా ఉన్నాయి.

ఆ రెండు చిత్రాల హవా

రంగస్థలం, భరత్ అనే నేను చిత్రాల హవా సాగుతున్న సమయంలో అల్లు అర్జున్ నా పేరు సూర్య చిత్రం విడుదలయింది. బన్నీ క్రేజ్ తో ఈ చిత్రం తొలి వీకెండ్ లో మంచి వసూళ్లనే రాబట్టింది.

మిశ్రమ స్పందన

నా పేరు సూర్య చిత్రానికి డివైడ్ టాక్ వచ్చినప్పటికీ అల్లు అర్జున్ క్రేజ్ తో మంచి వసూళ్లు రాబడుతోంది. తొలి రోజే ఈ చిత్రం 38 కోట్ల గ్రాస్ రాబట్టింది. రెండు రోజుల్లోనే 50 కోట్ల క్లబ్ లో చేరడం విశేషం.

ఐదు రోజుల్లోనే ఆ మార్క్

ఇటీవల చిత్ర యూనిట్ ప్రకటించిన లెక్కల ప్రకారం ఈ చిత్రం 83 కోట్ల గ్రాస్ రాబట్టింది. ఐదురోజుల్లో గ్రాస్ 100 కోట్ల మార్క్ అందుకోవడం విశేషం. కాగా సోమవారం నుంచి నా పేరు సూర్య చిత్ర వసూళ్ళలో డ్రాప్ బాగా కనిపిస్తోండనై ట్రేడ్ అనలిస్టులు అంటున్నారు.