Don't Miss!
- News ఏకగ్రీవంగా సికింద్రాబాద్.. మోడీ-అమిత్ షా గేమ్ ప్లాన్?
- Automobiles క్రాష్ టెస్ట్లో శభాష్ అనిపించిన కియా కేరెన్స్.. ఆ విభాగంలో 5 స్టార్ రేటింగ్
- Sports ఆ భారత కుర్రాడు మామూలోడు కాదు- లారా
- Technology స్మార్ట్వాచ్ సెగ్మెంట్లోకి ప్రముఖ సంస్థ.. 8 రోజుల బ్యాటరీ లైఫ్, హెల్త్ ట్రాకర్లతో ProWatch విడుదల..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Lifestyle నిద్రపోకపోతే వచ్చే సమస్యలివే.. తీవ్రంగా హెచ్చరిస్తున్న పరిశోధకులు..!
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
అమర్ అక్బర్ ఆంటోని ఫస్ట్ డే కలెక్షన్స్.. ఇలియానా రీఎంట్రీ మూవీ పరిస్థితి ఎలా ఉందంటే!
చాలా కాలంగా రవితేజకు సరైన హిట్ లేదు. ఒకప్పుడు వరుస విజయాలతో దూసుకుపోయిన శ్రీనువైట్ల చాలా కాలంగా ఒక్క విజయం కోసం ప్రయత్నిస్తున్నాడు. ఆరేళ్లపాటు తెలుగు వెండితెరపై కనిపించని ఇలియానా రీ ఎంట్రీ ఇస్తోంది. రవితేజ ఈ చిత్రంలో మూడు కోణాల్లో నటిస్తున్నాడు. ట్రైలర్ కూడా ఆసక్తిని పెంచింది. ఒక చిత్రపై మంచి అంచనాలు ఏర్పడడానికి ఇంతకంటే కారణాలు అవసరం లేదు. ప్రేక్షకులు సినిమా చూడడానికి సిద్ధంగా ఉన్నప్పటికీ ఆకట్టుకోని కథ, కథనాలతో శ్రీనువైట్ల అవకాశాన్ని జారవిడుచుకున్నాడు. అమర్ అక్బర్ ఆంటోని తొలి రోజు వసూళ్లు ఎలా ఉన్నాయో చూద్దాం.
డివైడ్ టాక్
అమర్ అక్బర్ ఆంటోని చిత్రానికి తొలి షోనుంచే డివైడ్ టాక్ ప్రారంభమైంది. సినీ క్రిటిక్స్ నుంచి అమర్ అక్బర్ ఆంటోని చిత్రానికి నెగిటివ్ రివ్యూలు వచ్చాయి. శ్రీనువైట్ల రొటీన్ కథ కథనాలతో సేఫ్ గేమ్ ఆడారని విమర్శ వినిపించింది. రవితేజ, ఇలియానా నాలుగోసారి జంటగా నటించారు.
తొలిరోజు వసూళ్లు
రవితేజకు ఉన్న మాస్ ఫాలోయింగ్, ఇలియానా క్రేజ్ తో అమర్ అక్బర్ ఆంటోని చిత్రం తొలిరేజు రెండు తెలుగు రాష్ట్రాల్లో 3.40 కోట్ల వరకు షేర్ రాబట్టగలిగింది. పెరుగుతున్న నెగిటివ్ మౌత్ టాక్ తో రాబోవు రోజుల్లో ఈ చిత్రం ఏ మేరకు వసూళ్లు రాబట్టగలుగుతుందో చూడాలి. రవితేజ చివరి చిత్రం నేల టికెట్ తొలి రోజు తెలుగు రాష్ట్రలో 3.47 కోట్లు రాబట్టింది.
ఏరియాలవారీగా
అమర్ అక్బర్ ఆంటోని చిత్రం నైజాంలో తొలిరోజు 1. 26 కోట్లు వసూలు చేసింది. సీడెడ్ లో 46 లక్షలు, ఉత్తరాంధ్రలో 43 లక్షలు, ఈస్ట్ గోదావరిలో 30, వెస్ట్ గోదావరిలో 20 లక్షలు వసూలు చేసింది. బాక్సాఫీస్ వద్ద నెమ్మదిగా ప్రారంభమైన అమర్ అక్బర్ ఆంటోని చిత్ర వసూళ్లు వీకెండ్ లో ఎలా ఉంటాయో చూడాలి. పైగా నేడు ఈ చిత్రానికి పోటీగా విజయ్ దేవరకొండ టాక్సీవాలా కూడా విడుదలవుతోంది.
ప్రీరిలీజ్ బిజినెస్
అమర్ అక్బర్ ఆంటోని చిత్ర థియేట్రికల్ హక్కులు రెండు తెలుగు రాష్ట్రాల్లో 18 కోట్లకు అమ్ముడైనట్లు తెలుస్తోంది. ప్రపంచ వ్యాప్తంగా 22 కోట్లవరకు ప్రీరిలీజ్ బిజినెస్ జరిగింది. అమర్ అక్బర్ ఆంటోని చిత్రాన్ని మైత్రి మూవీస్ సంస్థ నిర్మించింది. రంగస్థలం వరకు తిరుగులేని విజయాలు సొంతం చేసుకున్న ఈ సంస్థకు ఇటీవల ఫెయిల్యూర్స్ ఎదురవుతున్నాయి.