‘అరవింద సమేత’ 15 డేస్ కలెక్షన్: మెగాస్టార్ రికార్డుకు చేరువలో....

ఇప్పటి వరకు వసూలైన మొత్తం ఎంత?

ట్రేడ్ వర్గాల నుంచి అందుతున్న సమాచారం ప్రకారం 15 రోజుల్లో ‘అరవింద సమేత' టోటల్ గ్రాస్ రూ. 158 కోట్లకు చేరుకున్నట్లు తెలుస్తోంది. మెగాస్టార్ రికార్డును అందుకోవడానికి మరో 6 కోట్టు వసలు చేస్తే సరిపోతుంది. థర్డ్ వీకెండ్ నాటికి ఇది సాధ్యమయ్యే అవకాశం ఉందని భావిస్తున్నారు.

ఇప్పటి వరకు వచ్చిన షేర్ ఎంత?

‘అరవింద సమేత' వరల్డ్ వైడ్ థియేట్రికల్ రైట్స్ రూ. 91 కోట్లకు అమ్మారు. ఇప్పటి వరకు వసూలైన రూ. 158 కోట్ల గ్రాస్ ద్వారా మొత్తం రూ. 95 కోట్ల డిస్ట్రిబ్యూటర్ షేర్ వసూలైంది. దీంతో అన్ని ఏరియాల్లో పెట్టుబడి వంద శాతం రికవరీ అయినట్లయింది.

ఎన్టీఆర్ కెరీర్లో టాప్

కాగా... ‘అరవింద సమేత' చిత్రం ఎన్టీఆర్ కెరీర్లోనే ఆల్ టైమ్ టాప్ గ్రాసర్‌గా నిలిచింది. అంతే కాకుండా రూ. 150 కోట్ల మార్కును అందుకున్న తొలి చిత్రం కూడా ఇదే. దర్శకుడు త్రివిక్రమ్ కెరీర్లో సైతం ఇదే బిగ్గెస్ట్ మూవీ.

టాలీవుడ్ టాప్ 5 మూవీస్

టాలీవుడ్ టాప్ 5 గ్రాస్ సాధించిన లిస్టు తీసుకుంటే... బాహుబలి 2 మొదటి స్థానంలో ఉండగా ఆ తర్వాత స్థానాల్లో బాహుబలి, భరత్ అనే నేను, రంగస్థలం, ఖైదీ నెం.150 చిత్రాలు ఉన్నాయి. మరో 7 కోట్లు సాధిస్తే 5వ స్థానంలో ‘అరవింద సమేత' నిలిచే అవకాశం ఉంది.