Avatar 3 Business: సినిమా చరిత్రలోనే అవతార్ 3 రికార్డు బిజినెస్.. జేమ్స్ కామెరాన్‌కు ఎన్ని వేల కోట్లంటే?

ప్రపంచంలోనే దిగ్గజ దర్శకుడు జేమ్స్ కామెరాన్ డైరెక్షన్‌లో రూపొందిన అవతార్: ఫైర్ అండ్ యాష్. అవతార్ సినిమా సీక్వెల్‌లో మూడో చిత్రంగా రూపొందిన ఈ సినిమాలో జేమ్స్ కామెరాన్, జాన్ లండావు నిర్మించారు. ఈ సినిమాలో సామ్ వర్తింగ్డన్, జో సల్దానా, సిజర్నీ వీవర్, స్టీఫాన్ లాంగ్, కేట్ విన్స్‌లెట్, ఊనా చాప్లిన్ తదితరులు నటించారు.

అవతార్ 3 సినిమాకు సంబంధించిన సాంకేతిక విభాగాల విషయానికి వస్తే.. రస్సెల్ కార్పెంటర్ సినిమాటోగ్రఫిని, సైమన్ ఫ్రాంగ్‌లెన్ మ్యూజిక్ అందించారు. ఈ సినిమాకు స్టీఫెన్ రివికిన్, డెవిడ్ బ్రెన్నెర్, జాన్ రిఫ్యూ, జేమ్స్ కామెరాన్ ఎడిటింగ్ బాధ్యతలు నిర్వర్తించారు.ఈ చిత్రం వరల్డ్ వైడ్‌గా డిసెంబర్ 19వ తేదీన గ్రాండ్‌గా రిలీజ్ అయింది. అయితే ఈ సినిమా బడ్జెట్ ఎంత? అన్ని విభాగాల్లో జరిగిన బిజినెస్ వివరాల్లోకి వెళితే..

అవతార్: ఫైర్ అండ్ యాష్ సినిమా విషయానికి వస్తే.. అవతార్ ఫ్రాంచైజీలో వస్తున్న మూడో చిత్రం. ఈ సినిమా కోసం కొత్త తెగను జేమ్స్ కామెరాన్ సృష్టించారు. ఈ మూవీ కోసం ఊహకు అందని విధంగా కొత్త ప్రపంచాన్ని క్రియేట్ చేయాల్సి రావడంతో భారీగా వీఎఫ్ఎక్స్, గ్రాఫిక్ వర్క్‌ను చేశారు. ఈ చిత్రంలో నటించిన ఆర్టిస్టులు, టెక్నిషియన్ రెమ్యునరేషన్లు, ప్రొడక్షన్ కాస్ట్ అంతా కలిపి ఈ సినిమాను సుమారుగా 400 మిలియన్ డాలర్లు అంటే భారతీయ కరెన్సీలో 3600 కోట్ల రూపాయల బడ్జెట్‌తో రూపొందించారు.

ఇక ఈ సినిమాకు సంబంధించి ఓటీటీ రైట్స్, శాటిలైట్ రైట్స్, మ్యూజిక్ రైట్స్, థియేట్రికల్ రైట్స్ రికార్డు స్థాయిలో అమ్ముడుపోయాయి. ఈ సినిమా హక్కులకు డిమాండ్ భారీగా ఉండటంతో పోటీపడి హాట్ కేకుల్లా కొనుగోలు చేశారు అని ట్రేడ్ వర్గాలు వెల్లడించాయి. అవతార్ 1, అవతార్ 2 సినిమాల కంటే అధికంగా ఈ మూవీ రైట్స్ అమ్ముడుపోవడం విశేషం.

అవతార్ 3 సినిమా ఓటీటీ రైట్స్ విషయానికి వస్తే.. ఈ సినిమా హక్కులను డిస్నీ+ సంస్థ ఫ్యాన్సీ రేటుకు దక్కించుకొన్నది. సినిమా హిస్టరీలోనే అత్యధిక మొత్తంలో డీల్ జరిగిందని ట్రేడ్ వర్గాల్లో ప్రచారం జరుగుతున్నది. ఈ సినిమా ఓటీటీ రైట్స్‌ను సుమారుగా 2900 కోట్ల రూపాయలకు అమ్ముడుపోయాయి అని ట్రేడ్ వర్గాల్లో టాక్ కొనసాగుతున్నది.

జేమ్స్ కామెరాన్ దర్శకత్వం వహించిన ఈ సినిమా శాటిలైట్ హక్కులు కూడా భారీ రేటు పలికాయి. ఈ సినిమాను సుమారుగా 1500 కోట్ల రూపాయలకు శాటిలైట్ రైట్స్‌ అమ్ముడుపోయాయి. ఈ హక్కులను కూడా డిస్నీ నెట్‌వర్క్ సొంతం చేసుకొన్నది. ఇదిలా ఉండగా ఈ సినిమా మ్యూజిక్ రైట్స్ సుమారుగా 350 కోట్ల రూపాయలకు అమ్ముడుపోయాయి అని తెలిసింది.

ఇదిలా ఉండగా, ఈ సినిమా నాన్ థియేట్రికల్ రైట్స్ ద్వారా జేమ్స్ కామెరాన్ భారీగా రెవెన్యూ సొంతం చేసుకొన్నారు. ఈ సినిమాకు సుమారుగా 4750 కోట్లు నాన్ థియేట్రికల్ బిజినెస్ ద్వారా తన ఖాతాలో వేసుకొన్నారు. ఇవే కాకుండా థియేట్రికల్ రైట్స్ ద్వారా రికార్డు స్థాయిలో బిజినెస్ చేసి భారీ మొత్తాన్ని సొంతం చేసుకొన్నాడనే విషయం ట్రేడ్ వర్గాలు గొప్పగా చెప్పుకొంటున్నాయి.