Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
19 వేల కోట్లతో సంచలనం.... అవతార్ రికార్డ్ బద్దలు!
ప్రపంచ సినీ చరిత్రలో ఇప్పటి వరకు హయ్యెస్ట్ కలెక్షన్స్ సాధించిన చిత్రం 2009లో వచ్చిన అవతార్. జేమ్స్ కామెరూన్ దర్శకత్వం వహించిన ఈ మూవీని కొట్టాలని గత పదేళ్లుగా చాలా మంది ఫిల్మ్ మేకర్స్ ప్రయత్నించారు కానీ సాధ్యం కాలేదు. ఎట్టకేలకు మార్వెల్ సంస్థ రూపొందించిన 'అవెంజర్స్-ది ఎండ్ గేమ్' ఈ ఫీట్ సాధించబోతోంది. ఈ విషయాన్ని మార్వెల్ బాస్ కెవిన్ ఫీజ్ అధికారికంగా వెల్లడించారు.
అవతార్ మూవీ ప్రపంచ వ్యాప్తంగా 2.78 బిలియన్ డాలర్లు(రూ. 19,210 కోట్లు) వసూలు చేసింది. ఈ రికార్డును ఈ వారం వసూళ్లతో 'అవెంజర్స్-ది ఎండ్ గేమ్' అధిగమించబతోంది. హాలీవుడ్ మీడియా కథనాల ప్రకారం మరో 5 లక్షల డాలర్లు(రూ. 3.44 కోట్లు) వసూలు చేస్తే 'ది ఎండ్ గేమ్' నెం.1 స్థానంలోకి వెళ్లనుంది. తమ సినిమాకు ఇంతటి ఘన విజయం అందించిన ప్రపంచ వ్యాప్తంగా ఉన్న అవెంజర్స్ అభిమానులకు కెవిన్ ఫీజ్ ఈ సందర్భంగా కృతజ్ఞతలు తెలిపారు.
రీ రిలీజ్ తర్వాత పెరిగిన కలెక్షన్
‘అవెంజర్స్-ది ఎండ్ గేమ్' చిత్రంలో డిలీట్ చేసిన హల్క్ సీన్లతో పాటు మరికొన్ని సీక్వెన్స్ కలిపి జూన్ 28న రీ రిలీజ్ చేశారు. అప్పటి నుంచి వసూళ్లు ఊపందుకున్నాయి. సినిమాను మళ్లీ రిలీజ్ చేయడం వల్లనే ఈ రికార్డు సాధ్యమైందని విశ్లేషకులు అంటున్నారు.
ఈ సంతోషం ఎంత కాలం ఉండకపోవచ్చు
అయితే త్వరలో జేమ్స్ కామెరూన్ అవతార్ 2 చిత్రంతో ప్రేక్షకుల ముందుకు రాబోతున్నాడు. ఈ చిత్రాన్ని డిసెంబర్ 17, 2021లో రిలీజ్ చేసేందుకు ప్లాన్ చేస్తున్నారు. ఈ నేపథ్యంలో ‘అవెంజర్స్- ది ఎండ్ గేమ్' మూవీ రికార్డ్ ఎక్కువ కాలం ఉండే అవకాశం లేదని అంటున్నారు. ఈ మూవీ ఈజీగా అవెంజర్స్ రికార్డులను బద్దలు కొట్టడం ఖాయం అంటున్నారు.
భారీ అంచనాలతో రాబోతున్న అవతార్ 2
టైటానిక్, అవతార్ లాంటి చిత్రాలతో జేమ్స్ కామెరూన్ ప్రపంచ వ్యాప్తంగా తన సినిమాలంటే ప్రత్యేకమైన క్రేజ్ ఏర్పడేలా చేశాడు. ఈ నేపథ్యంలో ఆయన నుంచి వస్తున్న ‘అవతార్ 2' చిత్రంపై భారీ అంచనాలు నెలకొని ఉన్నాయి.
భారీ బడ్జెట్
అవతార్ 2 చిత్రం భారీ బడ్జెట్తో తెరకెక్కుతోంది. ఈ చిత్రానికి జేమ్స్ కామెరూన్ దర్శకత్వం వహించడంతో పాటు నిర్మాతగా కూడా వ్యవహరిస్తున్నారు. $450 మిలియన్ డాలర్ల బడ్జెట్ ఖర్చు చేస్తున్నట్లు అంచనా. అవతార్ చిత్రాన్ని మించిన రికార్డులు సాధిస్తుందని అంచనా వేస్తున్నారు.