‘అవెంజర్స్’ వసూళ్ల సునామీ.. బాహుబలి2 రికార్డు బ్రేక్.. తొలిరోజే 1800 కోట్లు!

ప్రపంచవ్యాప్తంగా తొలిరోజు కలెక్షన్లు

ఫోర్బ్స్ అందించి నివేదిక ప్రకారం.. అవెంజర్స్: ఎండ్‌గేమ్ చిత్రం తొలిరోజున రూ.1403 కోట్లు (216.6 మిలియన్ డాలర్లు) వసూలు చేస్తుందని అంచనా వేసింది. అలాగే సీఎన్ఎన్ అంచనా ప్రకారం.. రూ.1823 కోట్లు (260 మిలియన్ డాలర్లు), ఇతర ట్రేడ్ అనలిస్టుల ప్రకారం.. రూ.2104 (300 మిలియన్ డాలర్లు ) వసూలు చేయవచ్చని అంచనా వేస్తున్నారు.

చైనాలో వసూళ్ల వర్షంతో

చైనాలో అడ్వాన్సు బుకింగ్‌కు సంబంధించి అవెంజర్స్ చిత్రం సరికొత్త రికార్డు నెలకొల్పింది. తొలి రోజున దాదాపు 107.2 మిలియన్ డాలర్ల మేర వసూలు చేసినట్టు వాల్ట్ డిస్నీ కంపెనీ డిస్టిబ్యూటర్ వెల్లడించారు. ఈ సినిమా రూపాయల్లో లెక్కిస్తే సుమారు 750 కోట్లు తొలిరోజున వసూలు చేసినట్టు వెల్లడిస్తున్నారు.

బాహుబలి2 రికార్డు బ్రేక్

ఇండియాలో అవెంజర్స్: ఎండ్‌గేమ్ రికార్డు స్థాయి వసూళ్లను రాబట్టింది. ఈ చిత్రం బాహుబలి2, అవెంజర్స్ ఇన్ఫినిటీ వార్, థగ్స్ ఆఫ్ హిందూస్థాన్, టైగర్ జిందా హై, సుల్తాన్ తొలి రోజు రికార్డులను తిరగరాసింది. ఈ చిత్రం దేశీయ బాక్సాఫీస్ వద్ద రూ.50 కోట్లకుపైగా వసూళ్లను రాబట్టింది. ఇది భారతీయ సినిమా చరిత్రలో అరుదైన రికార్డు.

ఇండియాలో టాప్ 10 రికార్డులు

ఇప్పటి వరకు భారత్‌లో తొలిరోజు అత్యధిక వసూళ్లు సాధించిన చిత్రాల జాబితా ఇది.
1. బాహుబలి: ది కన్ క్లూజన్: రూ. 37.53 కోట్లు
2. అవెంజర్స్: ఇన్ఫినిటీ వార్ రూ.29.14 కోట్లు
3. థగ్స్ ఆఫ్ హిందూస్థాన్ రూ.26.27 కోట్లు
4. టైగర్ జిందా హై రూ.24.76 కోట్లు
5. సుల్తాన్ రూ.21.53 కోట్లు
6. సంజూ రూ.20.35
7. రేస్ 3 రూ.19.16 కోట్లు
8. దంగల్ రూ.18.84 కోట్లు
9. ప్రేమ్ రతన్ ధన్ పాయో రూ.15.73 కోట్లు
10. ధూమ్ 3 రూ.15.18 కోట్లు