For Quick Alerts
    ALLOW NOTIFICATIONS  
    For Daily Alerts

    చరిత్ర సృష్టించిన అవెంజర్స్.. అవతార్‌ రికార్డులు కూడా మటాష్

    |

    ప్రపంచ సినిమా చరిత్రలోనే అత్యంత అరుదైన రికార్డును అవెంజర్స్: ఎండ్ గేమ్ సృష్టించడానికి సిద్ధమైంది. గత 47 రోజులుగా ఈ చిత్రం ప్రపంచవ్యాప్తంగా కలెక్షన్ల వర్షం కురిపిస్తూనే ఉంది. తాజా ట్రేడ్ వివరాల ప్రకారం.. జేమ్స్ కామెరాన్ రూపొందించిన అవతార్ సినిమా వసూళ్లను ఓ అడుగులో అధిగమించేందుకు రెడీగా ఉంది. ప్రపంచవ్యాప్తంగా ఈ సినిమా ఎంత కలెక్ట్ చేసిందంటే..

    ప్రపంచవ్యాప్తంగా వసూళ్లు

    ప్రపంచవ్యాప్తంగా వసూళ్లు

    జేమ్స్ కామెరాన్ రూపొందించిన అవతార్ చిత్రం ప్రపంచవ్యాప్తంగా 2.78 బిలియన్ డాలర్లను వసూలు చేసింది. ఈ ప్రస్తుతం ఆ రికార్డుకు చేరువలో అవెంజర్స్: ఎండ్ గేమ్ చిత్రం పొంచి ఉంది. అవెంజర్స్ చిత్రం 2.73 బిలియన్ డాలర్లను కలెక్ట్ చేసింది. త్వరలోనే ఈ సినిమా అత్యధిక వసూళ్లు సాధించిన చిత్రంగా నిలవబోతున్నది.

    ఉత్తర అమెరికాలో

    ఉత్తర అమెరికాలో

    ఉత్తర అమెరికాలో రికార్డు స్థాయి కలెక్షన్లతో అవెంజర్స్: ఎండ్ గేమ్ హోరెత్తించింది. ఈ చిత్రం 47వ రోజున కూడా 790000 డాలర్లను వసూలు చేయడం గమనార్హం. దాంతో ఈ సినిమా మొత్తంగా 825.825 మిలియన్ డాలర్లు వసూలు చేసింది. ఉత్తర అమెరికా బాక్సాఫీస్ వద్ద ఇదో క్రేజీ రికార్డు అని ట్రేడ్ వర్గాలు వెల్లడిస్తున్నాయి.

    జేమ్స్ కామెరాన్ ఆసక్తికరమైన ట్వీట్

    జేమ్స్ కామెరాన్ ఆసక్తికరమైన ట్వీట్

    అవెంజర్స్: ఎండ్‌గేమ్ చిత్రం కొద్ది రోజుల క్రితం జేమ్స్ కామెరాన్ రూపొందించిన టైటానిక్ చిత్రం వసూళ్లను అధిగమించింది. ఆ సందర్భంగా కామెరాన్ ఆసక్తికరమైన ట్వీట్ చేశాడు. గతంలో టైటానిక్‌ పడవను మంచు పర్వతం ముంచేస్తే.. ఇప్పుడు నా టైటానిక్‌ను అవెంజెర్స్ ముంచేసింది అని ట్వీట్‌లో పేర్కొన్నారు.

    ఇండియన్ బాక్సాఫీస్‌పై అవెంజర్స్ దాడి

    ఇండియన్ బాక్సాఫీస్‌పై అవెంజర్స్ దాడి

    అవెంజర్స్: ఎండ్ గేమ్ చిత్రం ఓవర్సీస్‌లోనే కాకుండా భారత్‌లో కలెక్షన్ల కుంభవృష్టిని కురిపించింది. అన్ని భాషల్లో కలుపుకొని ఈ చిత్రం ఇండియన్ బాక్సాఫీస్ వద్ద రూ.300 కోట్లు వసూలు చేసింది. భారతీయ సినిమా చరిత్రలో దేశీయేతర చిత్రం ఈ రేంజ్‌లో వసూళ్లు సాధించడం ఇదే తొలిసారి అని ట్రేడ్ వర్గాలు వెల్లడించాయి.

    English summary
    Marvel superhero movie 'Avengers: Endgame' set an opening-day record in China with an estimated $107.2 million in ticket sales, distributor Walt Disney Co said on Wednesday."Endgame" is the final chapter of a story told across 22 Marvel films featuring popular characters such as Iron Man, Thor and Black Widow.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X