Don't Miss!
- Lifestyle బీట్రూట్ జ్యూస్ తాగితే ఇన్ని ప్రయోజనాలా..? వారంపాటు తాగితే ఎలాంటి ఫలితముంటుందంటే..?
- News టీడీపీ గెలుపు కష్టమే.. ఎంపీ అభ్యర్థి అభ్యర్థి లావు కృష్ణ దేవరాయలు షాకింగ్ కామెంట్స్
- Technology ఫిజికల్ బటన్ లు లేకుండా రానున్న iPhone 16 ! డిజైన్ వివరాలు లీక్
- Automobiles 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- Finance ITC: ఐటీసీ ఇన్వెస్టర్లకు శుభవార్త.. !
- Sports చరిత్ర సృష్టించిన అక్షర్ & పంత్ క్రేజీ రికార్డు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అవెంజర్స్ వసూళ్ల వరద.. టైటానిక్ రికార్డు బ్రేక్.. 11 రోజుల్లోనే టాప్ రికార్డులు గల్లంతు!
Recommended Video
బాలీవుడ్ అగ్రహీరోల చిత్రాలకంటే భిన్నంగా అవెంజర్స్: ఎండ్గేమ్ చిత్రం వసూళ్ల వరదను పారిస్తున్నది. ప్రపంచవ్యాప్తంగానే కాదు.. దేశవ్యాప్తంగా ఈ చిత్రం రికార్డుల మోత మోగిస్తున్నది. రూ.300 కోట్ల క్లబ్లో చేరిన తర్వాత ఈ చిత్రం కలెక్షన్ల రికార్డులను పరుగులు పెట్టిస్తున్నది. రెండువారంలోకి ప్రవేశించిన కలెక్షన్లు తగ్గుముఖం పట్టకపోవడం గమనార్హం. గత 11 రోజుల కలెక్షన్ల వివరాల్లోకి వెళితే..
రూ.400 కోట్ల క్లబ్వైపు
ప్రతీ సోమవారం ఏ సినిమాకైనా అగ్నిపరీక్షే అని చెప్పవచ్చు. అయితే అలాంటి సోమవారం రోజున వసూళ్ల పరీక్షను అవెంజర్స్ అధిగమించింది. రిలీజ్ తర్వాత రెండో సోమవారం ఈ చిత్రం రూ.10 కోట్ల వసూళ్లను సాధించింది. దాంతో ఈ చిత్రం రూ.300 కోట్ల మైలురాయిని దాటింది. దాంతో మొత్తంగా ఈ చిత్రం రూ312 కోట్లకుపైగా వసూళ్లను సాధించి.. 400 కోట్ల మైలురాయి వైపు పరుగులు పెడుతున్నది.
11 రోజుల్లోనే 300 కోట్లు
అవెంజర్స్: ఎండ్గేమ్ చిత్రానికి సంబంధించిన వసూళ్లను పరిశీలిస్తే.. గత మంగళవారం రూ.26.1 కోట్లు, బుధవారం రూ.28.5 కోట్లు, గురువారం రూ.16 కోట్లు, శుక్రవారం రూ.12 కోట్లు, శనివారం రూ.18 కోట్లు వసూలు, ఆదివారం రూ.21.75 కోట్లు చేసింది. దాంతో ఈ చిత్రం రూ.300 కోట్ల మైలురాయిని అధిగమించింది.
టైటానిక్ ఆల్ టైమ్ రికార్డు బ్రేక్
ఇక ప్రపంచవ్యాప్తంగా వసూళ్లను పరిశీలిస్తే.. ఈ చిత్రం అత్యధిక వసూళ్లను సాధించిన రెండో చిత్రంగా ఆల్ టైమ్ రికార్డును చేరుకొన్నది. ఈ చిత్రం 2.188 బిలియన్ల డాలర్లను వసూలు చేసింది. దాంతో టైటానిక్ సాధించిన ఆల్ టైమ్ రికార్డును అవెంజర్స్ కేవలం 11 రోజుల్లోనే అధిగమించింది.
టాప్ 5 చిత్రాల జాబితాలో
అవెంజర్స్ ప్రపంచ వసూళ్లలో అరుదైన రికార్డును సొంతం చేసుకొన్నది. 2 బిలియన్ డాలర్లు సాధించిన ఐదు చిత్రాల్లో ఒకటిగా ఈ చిత్రం నిలిచింది. ఇప్పటి వరకు ఆల్ టైమ్ రికార్డును సొంతం చేసుకొన్న అవతార్ చిత్రం 2 బిలియన్ల రికార్డును 47 రోజుల్లో చేరుకొంటే.. అవెంజర్స్ చిత్రం కేవలం 11 రోజుల్లోనే చేరుకోవడం సినిమాకు ఉన్న ఆదరణను చెప్పింది.