బాహుబలి 17 రోజుల్లో రూ. 436 కోట్లు! (ఏరియా వైజ్ డీటేల్స్)

By Bojja Kumar

Published: Monday, July 27, 2015, 17:42 [IST]

హైదరాబాద్: బాహుబలి సినిమా ఇండియన్ బాక్సాఫీసు వద్ద కలెక్షన్ల ప్రభంజనం సృష్టిస్తూనే ఉంది. మూడోవారంలోనూ సినిమా విజయవంతంగా ప్రదర్శితం అవుతూ దూసుకెలుతోంది. ఆంధ్రప్రదేశ్, తెలంగాణ రాష్ట్రాల్లో కొన్ని చోట్ల ఇప్పటికీ హౌస్ ఫుల్ బోర్డులతో బాహుబలి థియేటర్లు కళకళలాడుతున్నాయి.

తొలి 17 రోజుల్లో ఆంధ్రప్రదేశ్, తెలంగాణ రాష్ట్రాల్లో కలిసి ‘బాహుబలి' చిత్రం రూ. 128 కోట్ల గ్రాస్ కలెక్షన్ సాధించింది. ఈ మొత్తంలో థియేటర్ ఖర్చులు, ఇతర వ్యయాలు పోను రూ. 92.53 కోట్ల షేర్ డిస్ట్రిబ్యూటర్లకు లభించినట్లు తెలుస్తోంది. తెలుగు సినిమా చరిత్రలో ఇదో రికార్డు.

బాహుబలి హిందీ వెర్షన్ 17 రోజుల్లో రూ. 85.71 కోట్ల గ్రాస్ కలెక్షన్ సాధించింది. ప్రముఖ బాలీవుడ్ ట్రేడ్ అనలిస్ట్ తరణ్ ఆదర్శ్ ఈ విషయాలను ట్విట్టర్ ద్వారా వెల్లడించారు. బాలీవుడ్లో బాహుబలి సినిమా ఇంత భారీ మొత్తంలో వసూళ్లు సాధించడం రికార్డ్.

ఇండియాలో అత్యధిక కలెక్షన్లు సాధించిన సినిమాల లిస్టులో ‘బాహుబలి' ప్రస్తుతం 3వ స్థానంలో ఉంది. ఇప్పటి వరకు ఈ చిత్రం ప్రపంచ వ్యాప్తంగా, అన్ని బాషల్లో కలిపి రూ. 436.1 కోట్ల గ్రాస్ కలెక్షన్ సాధించింది. అయితే ఇందులో ఎంత షేర్ వచ్చింది అనే వివరాలు తెలియాల్సి ఉంది. బాహుబలి 17 రోజుల గ్రాస్ కలెక్షన్ ఏరియా వైజ్...