చైనాలో బాహుబలి2 కలెక్షన్ల సునామీ.. బాక్సాఫీస్ షేక్.. తొలిరోజే రికార్డు బ్రేక్

Recommended Video

Bahubali Had Huge Collections in china To

#Baahubali2InChina makes a commanding debut.. $2.85 Million [₹ 19 Crs] for Day 1.. pic.twitter.com/OCiUknaj9g — Ramesh Bala (@rameshlaus) May 4, 2018

తొలిరోజే రికార్డు కలెక్షన్లు

బాహుబలి మరోసారి బాక్సాఫీస్‌పై రికార్డుల పంజా విసిరిందని ట్రేడ్ అనలిస్టు రమేష్‌బాలా ట్వీట్ చేశారు. బాహుబలి2 చిత్రం మొదటిరోజే చైనాలో 2.85 మిలియన్ డాల్లర్లు అంటే రూ.19 కోట్లు కొల్లగొట్టింది. ఈ చిత్రం చైనాలో 7 వేల థియేటర్ల విడుదలైంది. ఆమీర్‌ఖాన్ దంగల్ రిలీజైన స్క్రీన్లకంటే ఇవి ఎక్కువ అని ట్వీట్‌లో పేర్కొన్నారు.

బాహుబలి1కి పేలవమైన కలెక్షన్లు

ప్రపంచవ్యాప్తంగా అద్భుత విజయాన్ని సాధించిన బాహుబలి1 చైనాలో సత్తా చాటలేకపోయింది. భారీ కలెక్షన్లను సాధించడంలో బాహుబలి1 వెనుకపడింది. కేవలం రూ.8 కోట్లు మాత్రమే వసూలు చేయగలిగింది. ఇలాంటి పరిస్థితుల్లో బాహుబలి2 రిలీజ్‌పై అనేక భయాందోళనలు అలుముకొన్నాయి. చైనాలో ఈ చిత్ర రిలీజ్ పలుమార్లు వాయిదా పడింది.

చైనాలో దంగల్ కలెక్షన్లు

బాహుబలి1 తర్వాత విడుదలైన అమీర్ ఖాన్ దంగల్ చైనా బాక్సాఫీస్ వద్ద దుమ్ము రేపింది. కేవలం చైనాలోనే రూ.1200 కోట్ల కలెక్షన్లను సాధించింది. దాంతో ప్రపంచవ్యాప్తంగా దంగల్ 2 వేల కోట్లు వసూలు చేసినట్టు ఓ రికార్డు నమోదైంది. భారతీయ సినిమా చరిత్రలో అత్యధికంగా వసూలు చేసిన చిత్రంగా ఘనతను సాధించింది.

చైనాలో దుమ్మురేపిన ఐదు సినిమాలు

చైనాలో ఇప్పటి వరకు ఐదు భారతీయ సినిమాలు రికార్డు స్థాయి కలెక్షన్లను వసూలు చేశాయి. వాటిలో సీక్రెట్ సూపర్‌స్టార్ 6.74 మిలియన్ డాలర్లు, హిందీ మీడియం 3.39 డాలర్లు, బాహుబలి2 2.85 మిలియన్ డాలర్లు, దంగల్ 2.49 మిలియన్ డాలర్లు, భజరంగీ భాయ్‌జాన్ 2.20 మిలియన్ డాలర్లు వసూలు చేశాయి.

ఆల్ టైమ్ రికార్డు దిశగా బాహుబలి2

బాహుబలి2 విషయానికి వస్తే ప్రపంచవ్యాప్తంగా రూ.1700 కోట్లు వసూలు చేసింది. త్వరలోనే దంగల్ సాధించిన రికార్డును ఈ చిత్రం తుడిచిపెట్టే అవకాశం ఉంది. మరో రెండు మూడు రోజుల్లో భారతీయ సినిమా చరిత్రలో అత్యధిక వసూళ్లను సాధించిన చిత్రంగా బాహుబలి2 ఆల్‌టైమ్ రికార్డును క్రియేట్ ఛాన్స్ లేకపోలేదు.