Click it and Unblock the Notifications
Bad Newz Day 5 Collections: 100 కోట్లపై కన్నేసిన త్రిప్తి డిమ్రీ.. బ్యాడ్ న్యూస్కు ఎన్ని కోట్ల కలెక్షన్లంటే?
బాలీవుడ్లో యూత్పుల్ ఎంటర్ టైనర్గా రూపొందిన చిత్రం బ్యాడ్ న్యూజ్. యానిమల్ సినిమా ద్వారా పాపులారిటీ సాధించిన త్రిప్తి డిమ్రి ఈ సినిమాలో ప్రధాన పాత్ర పోషించింది. హిందీ సినిమా రంగంలో ప్రముఖ నిర్మాణ సంస్థ ధర్మ ప్రొడక్షన్స్ బ్యానర్పై కరణ్ జోహర్ నిర్మించిన ఈ చిత్రంలో యువ హీరో వికీ కౌశల్ హీరోగా కనిపించారు. అడల్డ్ కంటెంట్తో ఫ్యామిలీ డ్రామాగా రూపొందిన ఈ సినిమా గత రోజుల కలెక్షన్ల వివరాల్లోకి వెళితే...
బ్యాడ్ న్యూస్ సినిమా విషయానికి వస్తే.. ఓ అరుదైన పాయింట్తో రూపొందించారు. ప్రేమించి పెళ్లి చేసుకొన్న ప్రేమికులు.. ఓ కారణంగా విడిపోతారు. అయితే డైవొర్స్ తర్వాత అనుకోని పరిస్థితుల్లో ఆ యువతి మరో వ్యక్తితోపాటు భర్తతోను ఒకే రాత్రి శృంగారంలో పాల్గొంటుంది. ఆ తర్వాత ఆమె గర్బవతి కావడం.. ప్రెగ్నెన్సీలో కవలలకు జన్మనివ్వడంతో.. ఆ పిల్లలకు ఎవరు తండ్రి అనే పాయింట్తో సినిమా రూపొందింది.
యూత్లో త్రిప్తి డిమ్రీకి ఉన్న క్రేజ్తో ఈ సినిమాకు భారీ ఓపెనింగ్స్ వచ్చాయి. ఇక ఈ సినిమా తొలి రోజే 9 కోట్ల రూపాయల కలెక్షన్లను రాబట్టింది. 2వ రోజు 10.5 కోట్లు, 3వ రోజు 11.5 కోట్లు వసూలు చేసింది. 4వ రోజు 3.5 కోట్లు వసూలు చేసింది. దాంతో నాలుగు రోజుల్లో ఈ సినిమా 34 కోట్లు వసూలు చేసింది.
ఇక 5వ రోజు ఈ సినిమా నిలకడగా వసూళ్లను సాధించింది. ముంబై, ఢిల్లీ, హైదరాబాద్, చెన్నై, బెంగళూరు, ఇతర ప్రధాన నగరాల్లో భారీ ఆక్యుపెన్సీని నమోదు చేసింది. దాంతో ఈ సినిమా 4 కోట్ల రూపాయలు ఇండియాలో రాబట్టింది. దాంతో ఈ సినిమా 38 కోట్లు వసూలు చేసింది.
ఇక ఓవర్సీస్లో ఈ చిత్రానికి భారీ స్పందన లభిస్తున్నది. ఈ చిత్రం నార్త్ అమెరికాలో 1.5 మిలియన్ డాలర్లు వసూలు చేసింది. బ్రిటన్, ఆస్ట్రేలియా, జర్మనీ,గల్ఫ్ దేశాల్లో భారీగా కలెక్షన్లు రాబడుతున్నది. దాంతో ఈ సినిమా ఓవర్సీస్లో 25 కోట్లకుపైగా వసూళ్లను సాధించింది.
ప్రపంచవ్యాప్తంగా బ్యాడ్ న్యూస్ సినిమా కలెక్షన్ల వివరాల్లోకి వెళితే.. ఇండియాలో ఈ చిత్రం 38 కోట్ల రూపాయల నికరంగా.. 45 కోట్ల రూపాయలు గ్రాస్ కలెక్షన్లు రాబట్టింది. ఇక ఓవర్సీస్లో 25 కోట్ల రూపాయల గ్రాస్ వసూళ్లను నమోదు చేసింది. దాంతో ఈ సినిమా వరల్డ్ వైడ్గా 60 కోట్ల రూపాయలు వసూలు చేసింది. ఇదే ఊపును కొనసాగిస్తే.. త్వరలోనే 100 కోట్ల రూపాయల కలెక్షన్లు రాబట్టే అవకాశం ఉంది.
Continue with Google