Balagam 20 Days Collections: ఉగాది రోజు ఉతికేసిన బలగం.. అన్ని కోట్లతో సంచలనం.. 10 రెట్లు లాభాలా!

పక్కా పల్లెటూరి కథతో బలగం

టాలీవుడ్ ఫేమస్ కమెడియన్ వేణు దర్శకుడిగా మారి రూపొందించిన తాజా చిత్రమే 'బలగం'. ఇందులో ప్రియదర్శి, కావ్య కల్యాణ్‌రామ్ ప్రధాన పాత్రను పోషించారు. ఈ సినిమాను దిల్ రాజు ప్రొడక్షన్స్ బ్యానర్‌లో హన్సితా రెడ్డి, హర్షిత్ రెడ్డి సంయుక్తంగా నిర్మించారు. ఈ మూవీలో సుధాకర్ రెడ్డి, మురళీధర్ గౌడ్ తదితరులు నటించారు. భీమ్స్ దీనికి సంగీతాన్ని అందించాడు.

బలగం మూవీ బిజినెస్ డీటేల్స్

తెలంగాణలోని పల్లెల్లో కనిపించే అంశాలతో రూపొందిన 'బలగం' మూవీపై ఆరంభం నుంచే అంచనాలు మంచిగానే ఏర్పడ్డాయి. దీనికితోడు ఈ చిత్రాన్ని దిల్ రాజు బ్యానర్‌లో నిర్మించడంతో దీనికి మంచి డిమాండ్ ఏర్పడింది. ఫలితంగా ఈ మూవీ ప్రపంచ వ్యాప్తంగా అన్ని ఏరియాలకు కలిపి రూ. 1.20 కోట్లు బిజినెస్ జరిగింది. దీంతో దీన్ని గ్రాండ్‌గా విడుదల చేసుకున్నారు.

20వ రోజు ఎక్కడ? ఎంతొచ్చింది?

నిజ జీవిత కథతో ఎంతో ఎమోషనల్‌గా రూపొందిన 'బలగం' మూవీకి ఆరంభంలోనే పాజిటివ్ టాక్ వచ్చింది. అందుకు అనుగుణంగానే మొదటి రోజు నుంచే ఈ చిత్రానికి తెలుగు రాష్ట్రాల్లో ఊహించని రీతిలో స్పందన లభిస్తోంది. దీంతో ఈ చిత్రానికి వసూళ్లు భారీగా వస్తున్నాయి. ఈ క్రమంలోనే 20వ రోజు ఉగాది సెలవు కావడంతో ఏకంగా రూ. 1.76 కోట్లు గ్రాస్‌ను రాబట్టింది.

20 రోజులకు కలిపి ఎంతొచ్చింది

ఆంధ్రప్రదేశ్, తెలంగాణలో 20 రోజుల్లో 'బలగం' మూవీ అదిరిపోయే వసూళ్లనే రాబట్టింది. ఇప్పటి వరకూ ఈ సినిమా నైజాం ఏరియాలో రూ. 14.41 కోట్లు, సీడెడ్, ఆంధ్రప్రదేశ్‌లోని అన్ని ఏరియాల్లో కలిపి రూ. 6.90 కోట్లు వసూలు చేసింది. ఇలా రెండు రాష్ట్రాల్లో కలుపుకుని రూ. 21.31 కోట్లు గ్రాస్‌తో పాటు రూ. 9.72 కోట్లు షేర్‌ను ఈ మూవీ వసూలు చేసి సత్తా చాటుకుంది.

ప్రపంచ వ్యాప్తంగా వసూళ్లిలా

20 రోజుల్లో తెలుగు రాష్ట్రాల్లో రూ. 21.31 కోట్లు గ్రాస్‌ను రాబట్టిన 'బలగం' మూవీ.. ప్రపంచ వ్యాప్తంగానూ రాణించిందని చెప్పొచ్చు. దీంతో కర్నాటక ప్లస్ రెస్టాఫ్ ఇండియా, ఓవర్సీస్‌లలో కలిపి దీనికి 20 రోజుల్లో రూ. 42 లక్షలు గ్రాస్ వసూలు అయింది. వీటితో కలుపుకుంటే ఈ చిత్రానికి ప్రపంచ వ్యాప్తంగా రూ. 21.73 కోట్లు గ్రాస్‌తో పాటు రూ. 9.92 కోట్లు షేర్ కలెక్ట్ అయింది.

టార్గెట్ ఇలా... లాభం ఎంత?

దిల్ రాజు ప్రొడక్షన్ నుంచి వచ్చిన 'బలగం'కు అంచనాలకు అనుగుణంగానే ప్రపంచ వ్యాప్తంగా రూ. 1.15 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 1.30 కోట్లుగా నమోదైంది. ఇక, 20 రోజుల్లో ఈ సినిమాకు రూ. 9.92 కోట్లు వచ్చాయి. అంటే.. హిట్ స్టేటస్‌తో పాటు రూ. 8.62 లాభాలు కూడా ఈ మూవీకి సొంతం అయ్యాయి.

ఉగాదికి ఊచకోత.. 10 రెట్లు

జబర్ధస్త్ కమెడియన్ వేణు దర్శకత్వంలో రూపొందిన చిత్రమే 'బలగం'. ఈ సినిమాకు 20వ రోజు కూడా రూ. 1.76 కోట్లు వరకూ వసూళ్లు అయ్యాయి. తద్వారా ఇప్పటి వరకూ ఈ చిత్రం బిజినెస్‌కు పది రెట్లు వసూళ్లను రాబట్టి సంచలనం సృష్టించింది. అలాగే, ఈ మూవీ ఇప్పటికే రూ. 8.62 కోట్లు లాభాలను సొంతం చేసుకుంది. తద్వారా దిల్ రాజు పంట పండించింది.