Balagam 4 Days Collections: 4వ రోజూ భారీగా.. బలగం మూవీకి లాభాల పంట.. దిల్ రాజు మరో జాక్‌పాట్

బలగం అంటూ వచ్చిన మూవీ

టాలెంటెడ్ ఆర్టిస్టు ప్రియదర్శి - కావ్య కల్యాణ్‌రామ్ జంటగా నటించిన సినిమానే 'బలగం'. కమెడియన్ వేణు రూపొందించిన ఈ సినిమాను దిల్ రాజు ప్రొడక్షన్స్ బ్యానర్‌లో హన్సితా రెడ్డి, హర్షిత్ రెడ్డి సంయుక్తంగా నిర్మించారు. భీమ్స్ దీనికి సంగీతాన్ని అందించాడు. ఇందులో సుధాకర్ రెడ్డి, మురళీధర్ గౌడ్ తదితరులు కీలక పాత్రలను పోషించారు.

బలగం మూవీ బిజినెస్ డీటేల్స్

పెద్ద స్టార్లు నటించకున్నా 'బలగం' మూవీ కాన్సెప్టు గురించి తెలియడంతో దీనిపై అంచనాలు మంచిగానే ఏర్పడ్డాయి. దీనికితోడు ఈ చిత్రాన్ని దిల్ రాజు బ్యానర్‌లో నిర్మించడంతో దీనికి మంచి డిమాండ్ ఏర్పడింది. ఫలితంగా ఈ మూవీ ప్రపంచ వ్యాప్తంగా అన్ని ఏరియాలకు కలిపి రూ. 1.15 కోట్లు మేర బిజినెస్ జరిగింది. అందుకు అనుగుణంగానే విడుదలైంది.

4వ రోజు ఎక్కడ? ఎంతొచ్చింది?

మంచి కథతో రూపొందిన 'బలగం' మూవీకి మంచి టాక్ వచ్చింది. అందుకు అనుగుణంగానే ఆరంభం నుంచే ఈ చిత్రానికి ఆంధ్రప్రదేశ్, తెలంగాణలో అదిరిపోయే స్పందన లభిస్తోంది. దీంతో మొదటి వీకెండ్‌లో రెండు రాష్ట్రాల్లో కలిపి దీనికి భారీ వసూళ్లే వచ్చాయి. అదే కంటిన్యూ చేస్తూ 4వ రోజైన సోమవారం కూడా దీనికి రూ. 58 లక్షలు గ్రాస్ వసూలైంది.

4 రోజులకు కలిపి ఎంతొచ్చింది

అంధ్రప్రదేశ్, తెలంగాణలో 'బలగం' మూవీ నాలుగు రోజుల్లో మంచి వసూళ్లనే రాబట్టింది. ఇప్పటి వరకూ ఈ సినిమా నైజాం ఏరియాలో రూ. 2.45 కోట్లు, సీడెడ్, ఆంధ్రప్రదేశ్‌లోని అన్ని ఏరియాల్లో కలిపి రూ. 1.23 కోట్లు వసూలు చేసింది. ఇలా రెండు రాష్ట్రాల్లో కలుపుకుని రూ. 3.68 కోట్లు గ్రాస్‌తో పాటు రూ. 1.55 కోట్లు షేర్‌ను ఈ మూవీ వసూలు చేసుకుంది.

ప్రపంచ వ్యాప్తంగా వసూళ్లిలా

4 రోజుల్లో తెలుగు రాష్ట్రాల్లో రూ. 3.68 కోట్లు గ్రాస్‌ను వసూలు చేసిన 'బలగం' మూవీ.. ప్రపంచ వ్యాప్తంగానూ చక్కగానే రాణించిందని చెప్పొచ్చు. దీంతో కర్నాటక ప్లస్ రెస్టాఫ్ ఇండియా, ఓవర్సీస్‌లలో కలిపి దీనికి నాలుగు రోజుల్లో రూ. 7 లక్షలు గ్రాస్ వసూలు అయింది. వీటితో కలుపుకుంటే ఈ చిత్రానికి ప్రపంచ వ్యాప్తంగా రూ. 3.75 కోట్లు గ్రాస్‌తో పాటు రూ. 1.56 కోట్లు షేర్ కలెక్ట్ వచ్చింది.

టార్గెట్ ఇలా... లాభం ఎంత?

పల్లెటూరి నేపథ్యంతో రూపొందిన 'బలగం' మూవీకి అంచనాలకు అనుగుణంగానే ప్రపంచ వ్యాప్తంగా రూ. 1.15 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 1.30 కోట్లుగా నమోదైంది. ఇక, 4 రోజుల్లో ఈ సినిమాకు రూ. 1.56 కోట్లు వచ్చాయి. అంటే.. హిట్ స్టేటస్‌తో పాటు రూ. 26 లక్షలు లాభాలు కూడా ఈ మూవీకి సొంతం అయ్యాయి.

దిల్ రాజుకు మరో జాక్‌పాట్

కొంత కాలంగా స్టార్ ప్రొడ్యూసర్ దిల్ రాజుకు పెద్దగా కలిసి రావడం లేదు. ఇలాంటి పరిస్థితుల్లో గత సంక్రాంతికి 'వారసుడు'తో వచ్చిన ఆయన విజయాన్ని అందుకున్నారు. మళ్లీ ఇప్పుడు 'బలగం' మూవీతో మరో హిట్ కొట్టారు. అంతేకాదు, ఈ చిత్రానికి గానూ దిల్ రాజుకు మరిన్ని లాభాలు వచ్చే అవకాశం ఉన్నట్లు ట్రేడ్ విశ్లేషకులు అంచనా వేస్తున్నారు.